Գրադարան
Միտրալ փականի ռեգուրգիտացիա
1 րոպե
Միտրալ փականի ռեգուրգիտացիան (հետհոսք) սրտի փականային հիվանդության ամենատարածված տեսակն է:
Այս դեպքում ձախ սրտի խոռոչների՝ ձախ նախասրտի և ձախ փորոքի միջև գործող երկփեղկ կամ միտրալ փականը լիարժեք չի փակվում, որի հետևանքով արյունը հետ է հոսում փականի միջով: Եթե արյան հետհոսքը ծանր է, բավարար քանակի արյուն չի հոսում սրտի խոռոչներով կամ դեպի օրգանիզմի մնացած շրջաններ: Միտրալ փականի ռեգուրգիտացիան կարող է առաջացնել խիստ հոգնածության զգացում կամ շնչարգելություն:
Միտրալ փականի ռեգուրգիտացիայի այլ անվանումներն են՝
- միտրալ ռեգուրգիտացիա (հետհոսք)
- միտրալ անբավարարություն
- միտրալ անկարողություն:
Միտրալ փականի ռեգուրգիտացիայի բուժումը կարող է ներառել կանոնավոր բժշկական այցեր և ստուգումներ, դեղամիջոցներ կամ վիրահատություն: Հնարավոր է, որ բուժման կարիք չունենաք, եթե վիճակը թեթև է:
Միտրալ փականի ծանր ռեգուրգիտացիան հաճախ պահանջում է սրտի կաթետերիզացիա կամ սրտի վիրահատություն՝ միտրալ փականը վերականգնելու կամ փոխարինելու համար: Առանց պատշաճ բուժման, միտրալ փականի ծանր ռեգուրգիտացիան կարող է առաջացնել սրտի ռիթմի խանգարումներ կամ սրտային անբավարարություն:
Հոդվածը տեղադրվել է՝ 17-11-2023 վերանայվել է՝ 18-11-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
