Պատճառներ - Օբսեսիվ-կոմպուլսիվ խանգարում

Կպչուն-սևեռուն խանգարման (ԿՍԽ) պատճառը լիովին պարզված չէ:

Հիմնական տեսությունները ներառում են հետևյալը:

• Կենսաբանություն. ԿՍԽ-ը կարող է լինել ձեր օրգանիզմի բնական քիմիայի (օրինակ՝ սերոտոնինի) կամ գլխուղեղի գործառույթների փոփոխությունների արդյունք:
• Գենետիկա. ԿՍԽ-ը կարող է ունենալ գենետիկ բաղադրիչ, սակայն կոնկրետ գեները դեռ պետք է նույնականացվեն:
• Ուսուցում. Կպչուն վախերը և սևեռուն վարքագիծը կարելի է սովորել ընտանիքի անդամներին հետևելուց կամ աստիճանաբար սովորել ժամանակի ընթացքում:

Ռիսկի գործոններ

Գործոնները, որոնք կարող են մեծացնել ԿՍԽ-ի զարգացման կամ առաջացման ռիսկը, ներառում են հետևյալը:

• Ընտանեկան պատմություն (անամնեզ). այս խանգարումն ունեցող ծնողների կամ ընտանիքի այլ անդամների առկայությունը կարող է մեծացնել ԿՍԽ-ի զարգացման ռիսկը:
• Կյանքի սթրեսային իրադարձություններ. եթե դուք զգացել եք տրավմատիկ կամ սթրեսային իրադարձություններ, ձեր ռիսկը կարող է աճել: Այս ռեակցիան ինչ-ինչ պատճառներով կարող է առաջացնել ԿՍԽ-ին բնորոշ կպչուն մտքեր, ծեսեր (ռիտուալներ) և հուզական անհանգստություն:
• Հոգեկան առողջության այլ խանգարումներ. ԿՍԽ-ը կարող է կապված լինել հոգեկան առողջության այլ խանգարումների հետ, ինչպիսիք են տագնապային խանգարումները, դեպրեսիան, ապօրինի թմրամիջոցների չարաշահումը կամ տիկ-խանգարումները: