Գրադարան

Կպչուն-սևեռուն խանգարում․ ախտորոշում

Կպչուն-սևեռուն խանգարում․ ախտորոշում

Time Read 1 րոպե

Կպչուն-սևեռուն խանգարումն (ԿՍԽ) ախտորոշելուն օգնող քայլերը կարող են ներառել հետևյալը:

  • Հոգեբանական գնահատում. սա ներառում է ձեր մտքերի, զգացմունքների, ախտանիշների և վարքագծի բնույթի քննարկումը՝ որոշելու, թե արդյոք ունեք կպչուն մտքեր կամ սևեռուն վարքագիծ, որը խանգարում է ձեր կյանքի որակին: Ձեր թույլտվությամբ սա կարող է ներառել ձեր ընտանիքի կամ ընկերների հետ խոսելը:
  • ԿՍԽ-ի ախտորոշիչ չափորոշիչներ. ձեր բժիշկը կարող է օգտագործել Հոգեկան խանգարումների ախտորոշիչ և վիճակագրական ձեռնարկի չափորոշիչները (DSM-5), որը հրապարակվել է Ամերիկյան հոգեբուժական ասոցիացիայի կողմից:
  • Ֆիզիկական քննություն (բուժզննում). սա կարող է արվել՝ բացառելու այլ խնդիրները, որոնք կարող են առաջացնել ձեր ախտանիշները և ստուգելու դրա հետ կապված որևէ բարդության առկայությունը:

Ախտորոշիչ չափորոշիչներ

Կպչուն մտքերի (օբսեսիա) ախտորոշման չափորոշիչն է՝

  • կրկնվող, համառ և կպչուն մտքեր և գաղափարներ, որոնք հանգեցնում են անհանգստության և տառապանքի, և մտքեր, որոնք անհիմն ու ծայրահեղացված են և չեն կարող անտեսվել:

Սևեռուն վարքագծերի (կոմպուլսիա) ախտորոշման չափորոշիչն է՝

  • արարողակարգեր (ծեսեր, ռիտուալներ) և բավակաչափ ժամանակատար այլ վարքագծեր
  • կրկնվող ֆիզիկական կամ հոգեկան գործողություններ, օրինակ՝ մտքում համրելու կամ ձեռքերը լվանալու վարքագծեր կամ արարողակարգեր, որոնք կատարվում են, որ մեղմացվեն անհիմն կպչուն մտքերով պատճառված անհանգստւթյունը և տագնապը։

Ախտորոշման դժվարությունները

Երբեմն դժվար է ախտորոշել ԿՍԽ-ն, քանի որ ախտանիշները կարող են նման լինել կպչուն-սևեռուն անձնային խանգարումներին, տագնապային խանգարումներին, դեպրեսիային, շիզոֆրենիային կամ հոգեկան առողջության այլ խանգարումներին: Եվ, հնարավոր է ունենալ ինչպես ԿՍԽ, այնպես էլ հոգեկան առողջության այլ խանգարումներ: Աշխատեք ձեր բժշկի հետ, որ կարողանաք համապատասխան ախտորոշում և բուժում ստանալ:

Հոդվածը տեղադրվել է՝ 09-05-2019 վերանայվել է՝ 16-04-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով