Շատ դեպքերում ինքնօգնությունը կարող է լինել ձեզ համար քնի օբստրուկտիվ ապնոէն հաղթահարելու ամենահարմար միջոցը:
- Նիհարեք. եթե ունեք ավելորդ քաշ կամ գեր եք, նույնիսկ ավելորդ կիլոգրամների չափավոր կորուստը կարող է թեթևացնել ձեր շնչուղիների նեղացումը: Քաշը կորցնելը նաև կարող է բարելավել ձեր առողջությունն ու կյանքի որակը և նվազեցնել ձեր ցերեկային քնկոտությունը:
- Ֆիզիկապես ակտիվ եղեք. վարժանքները, ինչպիսիք են աերոբիկ վարժությունները և ուժային մարզումները, կարող են օգնել բարելավել ձեր վիճակը: Նպատակ դրեք վարժանքներ անել շաբաթական մոտ 150 րոպե և, ընդհանուր առմամբ, փորձեք ֆիզիկապես ակտիվ լինել շաբաթվա օրերի մեծ մասը:
- Խուսափեք ալկոհոլից և այնպիսի դեղամիջոցներից, ինչպիսիք են տագնապամարիչ դեղերը և քնաբերները. ալկոհոլը, անհանգստության դեմ որոշ դեղամիջոցներ և որոշ քնաբերներ կարող են վատթարացնել օբստրուկտիվ ապնոէն և քնկոտությունը:
- Քնեք կողքի կամ փորի, այլ ոչ թե մեջքի վրա. մեջքի վրա քնելը կարող է պատճառ դառնալ, որ լեզուն և փափուկ քիմքը հենվեն կոկորդի հետևի մասի վրա և փակեն շնչուղիները: Մեջքի վրա քնելը կանխելու համար փորձեք թենիսի գնդակ կարել գիշերազգեստի վերնազգեստի հետևի մասում կամ բարձեր դրեք ձեր մեջքին, մինչ դուք կողքի վրա եք քնում:
- Քնած ժամանակ ձեր քթանցքերը բաց պահեք. եթե ունեք քթի փակվածություն, օգտագործեք ֆիզիոլոգիական լուծույթ, որը կօգնի ձեր քթային անցուղիները բաց պահելուն: Խորհրդակցեք ձեր բժշկի հետ քթի դեկոնգեստանտներ կամ հակահիստամիններ օգտագործելու մասին, քանի որ որոշ դեղամիջոցներ կարող են առաջարկվել միայն կարճաժամկետ օգտագործման համար:
Հոդվածը հրապարակվել է՝ 20-02-2023
Վերջին վերանայում՝ 23-04-2024