Քնի օբստրուկտիվ ապնոէ. ախտանիշներ

Քնի օբստրուկտիվ ապնոէի առաջին ազդանշանը տալիս են հիվանդի հարազատները, որոնք տագնապահար հետևում են, թէ ինչպես է ձեր խռմփոցը հանկարծակի ընդհատվում և առաջանում շնչառության կանգ։

Քնի օբստրուկտիվ ապնոէի ախտանշանները կարող են ներառել՝

• բարձր, ժամանակ առ ժամանակ ընդհատվող խռմփոց
• քնած ժամանակ շնչառության կարճատև դադարներ, որոնք կարող են նկատել հարևանությամբ գտնվող մարդիկ
  
• քնից շնչահեղձության կամ խեղդվելու զգացումով հանկարծակի արթնացում
  
• քնած ժամանակ անկողնում անհանգիստ շարժումներ
  
• քնից արթնանալուց հետո հանգստացած չլինելու և հոգնածության զգացում, ինչպես նաև՝ բերանի չորություն կամ ըմպանացավ
• ցերեկային քնկոտություն
  
• ցերեկվա ընթացքում ուշադրության կենտրոնացման թուլացում
• տրամադրության փոփոխություններ, օրինակ՝ ընկճվածություն կամ գրգռվածություն
• բարձր արյան ճնշում
• գիշերային քրտնոտություն
• սեռական ցանկության (լիբիդոյի) կորուստ:

Ե՞րբ դիմել բժշկին

Խորհրդակցեք բժիշկ-մասնագետի հետ, եթե զգում եք կամ ձեր զուգընկերը նկատում է հետևյալը՝

• այնպիսի բարձր խռմփոց, որը խանգարում է ձեր կամ մյուսների քունը
• շնչահեղձության զգացումով կտրուկ արթնացում
• քնած ժամանակ շնչառության կրկնվող դադարներ
• արտահայտված ցերեկային քնկոտություն, որի պատճառով անընդհատ ննջում եք (ոչ միայն հեռուստացույց դիտելիս, այլև՝ ղեկին):

Բազմաթիվ մարդիկ կարող են չկասկածել, որ խռմփոցն ինչ-որ լուրջ վիճակի նշան է: Մյուս կողմից, ոչ բոլորը, ովքեր խռմփացնում են, ունեն քնի օբստրուկտիվ ապնոէ: Քնի օբստրուկտիվ ապնոէի ժամանակ խռմփոցը սովորաբար ամենաբարձր աստիճանի է հասում մեջքի վրա քնած ժամանակ և մեղմանում է, երբ շուռ եք գալիս մի կողմի վրա: