Օստեոարթրիտը դեգեներատիվ հիվանդություն է, որը ծանրանում է ժամանակի ընթացքում և հաճախ հանգեցնում է քրոնիկ ցավի:
Հոդերի ցավն ու կարկամությունը կարող են այնքան ուժեղ դառնալ, որ դժվարացնեն ամենօրյա խնդիրների կատարումը:
Օստեոարթրիտի ցավը և հաշմանդամությունը կարող են հանգեցնել դեպրեսիայի և քնի խանգարումների:
Օստեոարթրիտին բնորոշ այլ բարդություններ ներառում են հետևյալը:
- Շարժումների սահմանափակումներ և հաշմանդամություն. օստեոարթրիտով մարդիկ կարող են զգալ, որ, ցավերից անկախ, ախտահարված հոդում շարժումները դժվարացել կամ սահմանափակվել են։ Այսպիսի վիճակը նաև բարձրացնում է պատահարների և վնասվածքների ռիսկը։ Եթե հոդացավը և շարժունակության սահմանափակումը դառնում են լուրջ խնդիր, կարող է առաջարկվել վիրահատական բուժում։
- Ներհոդային և հարհոդային բարդություններ. օստեոարթրիտը հոդերի ներսում և հարակից շրջաններում կարող է հանգեցնել տարբեր բարդությունների, այդ թվում՝ հոդաճառի արագ և լրիվ կոտրում, որը բերում է հոդի հյուսվածքային նյութերի կորստի (խոնդրոլիզ), ոսկրի նեկրոզ (օստեոնեկրոզ), որը պահանջում է ոսկրի մեռուկացած մասի վիրահատական հեռացում, լարվածության կոտրվածքներ (ոսկրերի միկրոճաքեր, որոնք աստիճանաբար զարգանում են կրկնվող վնասվածքների կամ ծանրաբեռնվածությունների պատճառով), ներհոդային արյունահոսություն, ներհոդային վարակ և հարհոդային կապանների և ջլերի պատռվածք կամ վնասում, որն առաջացնում է կայունության կորուստ։
- Նյարդի ճնշում. ողնաշարի օստեոարթրիտը կարող է հանգեցնել նյարդարմատների սեղմման և ճնշման:
Հոդվածը հրապարակվել է՝ 29-04-2018
Վերջին վերանայում՝ 23-04-2024