Skip to main content

Ախտորոշում - Օստեոարթրիտ

Ֆիզիկական քննության (բուժզննման) ընթացքում ձեր բժիշկը կստուգի ձեր ախտահարված հոդի ցավոտությունը, այտուցը, կարմրությունը և ճկունությունը:

Պատկերային հետազոտություններ

Ախտահարված հոդի պատկերը ստանալու համար բժիշկը կարող է խորհուրդ տալ հետևյալ հետազոտությունները:

  • Ռենտգեն. ռենտգեն պատկերի վրա աճառը չի երևում, սակայն աճառի կորուստը հայտնաբերվում է ձեր հոդի ոսկորների միջև տարածության՝ ճեղքի նեղացմամբ: Ռենտգենը նաև կարող է ցույց տալ հոդերի շուրջ ոսկրային գերաճը։
  • Մագնիսա-ռեզոնանսային տոմոգրաֆիա (ՄՌՏ). ՄՌՏ-ն օգտագործում է ռադիոալիքներ և ուժեղ մագնիսական դաշտ՝ ոսկորների և փափուկ հյուսվածքների, ներառյալ աճառի մանրամասն պատկերներ ստանալու համար: ՄՌՏ-ն սովորաբար անհրաժեշտ չէ օստեոարթրիտի ախտորոշման համար, սակայն կարող է օգնել բարդ դեպքերում ավելի շատ տեղեկություններ ստանալուն:

Լաբորատոր թեստեր

Արյան և սինովյալ հեղուկի անալիզները կարող են օգնել ախտորոշման հաստատմանը:

  • Արյան թեստեր. թեև օստեոարթրիտի ախտորոշման որևէ հատուկ թեստ գոյություն չունի, որոշ լաբորատոր թեստեր կարող են օգնել հոդաբորբի այլ պատճառների, օրինակ՝ ռևմատոիդ արթրիտի ժխտմանը:
  • Ձուսպահեղուկի (սինովիալ հեղուկի) անալիզ. սինովյալ հեղուկի նմուշը կարող է ախտահարված հոդից վերցվել ասեղով: Այս նմուշի լաբորատոր հետազոտությունը թույլ է տալիս հաստատել բորբոքումը և որոշել, թե արդյոք հոդացավի պատճառը պոդագրան կամ վարակը չէ:

Հոդվածը հրապարակվել է՝ 29-04-2018
Վերջին վերանայում՝ 04-04-2024