Օստեոպորոզ

Օստեոպորոզն առաջացնում է ոսկրերի թուլացում և այն աստիճան փխրունացում, որ ընկնելիս կամ նույնիսկ թեթև ֆիզիկական լարվածության ժամանակ (օրինակ՝ իրանի առաջ թեքում կամ հազ) կարող են առաջանալ կոտրվածքներ:

Օստեոպորոզի հետ կապված կոտրվածքներն առավել հաճախ հանդիպում են կոնքում, նախդաստակ-դաստակում կամ ողնաշարում:

Ոսկրը ապրող հյուսվածք է, որը մշտապես քայքայվում և փոխարինվում է: Օստոպորոզը զարգանում է, երբ նոր ոսկրային հյուսվածքի առաջացումը չի հասցնում փոխարինել հին հյուսվածքի կորուստը:

Սկսած 35 տարեկանից ոսկրերն աստիճանաբար կորցնում են իրենց խտությունը՝ կալցիումի և այլ միներալների քանակը։ Սա տարիքին ուղեկցող նորմալ փոփոխություններ են, սակայն որոշ մարդկանց մոտ սկսվում է վաղ՝ «առաջ ընկնելով» տարիքից և ավելի սրընթաց՝ բերելով ոսկրերի խտության կտրուկ կրճատման և կոտրվածքների հավանականության արագ բարձրացման։

Օստեոպորոզն ախտահարում է բոլոր ռասաների տղամարդկանց և կանանց, սակայն սպիտակամորթ և ասիացի կանայք, հատկապես հետդաշտանադադարի տարիքում ավելի բարձր ռիսկի խմբում են:

Կան օստեոպորոզի մասին վկայող որոշ նշաններ՝ մինչև կգրանցվի ոսկրային առաջին, սովորաբար փոքր կոտրվածքը։ Եթե բժիշկը կասկածում է, որ ունեք օստեոպորոզ կամ օստեոպորոզի զարգացման բարձր ռիսկ, հավանաբար ձեզ կառաջարկի ոսկրերի խտությունը գնահատող և այլ թեստեր։

Դեղամիջոցները, առողջ սննդակարգը և քաշը պահող վարժանքները կարող են օգնել ոսկրերի վնասմանը և արդեն թուլացած ոսկրերի ամրապնդմանը:

Հոդվածը վերանայվել է՝ 30-05-2021