Գրադարան
Օստեոպորոզ. ախտանիշներ
2 րոպե
Ոսկրային զանգվածի կորստի վաղ փուլերում սովորաբար ախտանիշներ չկան:
Սակայն, երբ ձեր ոսկորներն արդեն թուլացել են օստեոպորոզից, դուք կարող եք ունենալ գանգատներ և ախտանիշներ, որոնք ներառում են՝
- մեջքի ցավ՝ պայմանավորված ողնի միկրոկոտրվածքներով կամ միկրոճեղքվածքներով
- Ժամանակի ընթացքում հասակի կորուստ
- կռացած կեցվածք
- ոսկոր, որը շատ ավելի հեշտ է կոտրվում, քան սպասվում էր։
Առողջ ոսկրերը դիմանում են առօրյա տարբեր անհարմարություններին, այդ թվում՝ վնասվածքներին։ Օստեոպորոզի ժամանակ ի հայտ են գալիս այսպես կոչված փխրունության կոտրվածքներ, երբ ոսկրերը կոտրվում են այնպիսի իրավիճակներում, որոնք սովարաբար չեն հանդիպում։ Ընդ որում, ծանր օստեոպորոզի ժամանակ նույնիսկ չնչին ազդեցությունից կարող են առաջանալ կոտրվածքներ, օրինակ, հազի կամ փռշտոցնի պատճառով ի հայտ գա կողերի կոտրվածք կամ մեկ կամ մի քանի ողների ճաքեր։
Օստեոպորոզի ժամանակ տեղ գտած կոտրվածքներն իրենց հերթին բերում են նոր խնդիրներ, որոնց ծանրության աստիճանը կախված է նրանից, թե ինչ ոսկոր է կոտրվել և ինչ բնույթի կոտրվածք է զարգացել։ Օրինակ, ազդոսկրի կոտրվածքը կարող է առաջացնել շարժունակության երկարատև կորուստ՝ իր հետևանքներով։
Ե՞րբ դիմել բժշկին
Բժշկին այցելելու անհրաժեշտություն կարող է առաջանալ, եթե անհանգստացած եք օստոպորոզի առկայությամբ, օրինակ՝ վաղ դաշտանադադար, կորտիկոստերոիդների երկարաժամկետ օգտագործում, ընտանեկան պատմություն (ծնողներն ունենցել են ազդոսկրի կոտրվածքներ) և այլն:
Դուք կարող եք խոսել ձեր բժշկի հետ օստեոպորոզի մասին, եթե անցել եք վաղ դաշտանադադարի, մի քանի ամիս շարունակ օգտագործել եք կորտիկոստերոիդներ կամ եթե ձեր ծնողներից որևէ մեկը ունեցել է ազդրի կոտրվածք:
Հոդվածը տեղադրվել է՝ 30-04-2018 վերանայվել է՝ 26-07-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
