Օստեոպորոզ. ինքնօգնություն

Օստեոպորոզ. ինքնօգնություն

Օստեոպորոզի (ոսկրերի խտության նվազման) վերջնական բուժում գոյություն չունի, սակայն առողջ ապրերելակերպով և կոտրվածքները կանխարգելելով դուք կարող եք զգալիորեն բարելավել ձեր կյանքի որակը։

Կրճատեք ընկնելու և կոտրվածքներ ստանալու ռիսկը

  • Եթե դուք ընդունում եք դեղեր, որոնք կարող են առաջացնել քնկոտություն, գլխապտույտ կամ հավասարակշռության խանգարումներ, զրուցեք ձեր մտահոգության մասին այդ դեղերը նշանակող բժշկի հետ, որ ըստ հնարավորության դրանք փոխարինվեն այլընտրանքներով։
  • Կան որոշ վարժություններ, որոնք բարեալավում են մարմնի հավասարակշռության պահպանումը և կանխարգելում «անհաջող» վայր ընկնելը (օրինակ՝ յոգա և այլն)։
  • Պարբերաբար ստուգեք ձեր տեսողությունը, քանի որ տեսողության ամենատարածված շեղումները, օրինակ՝ կարճատեսությունը կամ հեռատեսությունը կարող են ազդել ձեր տեղաշարժումների վրա։ Կրեք միայն ձեր տեսողությանը համապատասխան ակնոց։
  • Խուսափեք բարձրակրունկ կոշիկներից և դրանց փոխարեն կրեք պատահաբար վայր ընկելն ավելի քիչ հավանական դարձնող և հարմարավետ, չսահող ներբաններով կոշիկներով։
  • Եթե քայլելիս ունեք հավասարակշռության խանգարման խնդիրներ, օգտվեք բռնվելու կայուն միջոցներից՝ սանդուխքի ճաղավանդակներ, պատ, սեղան, կահույք, բռնակներ և այլն։
  • Ազդրերի կամ վերջույթների այլ «պրոտեկտորները» կարող են նվազեցնել ընկնելիս կոտրվածքներ ստանալու ռիսկը։
  • Եթե տանը մենակ եք ապրում, գրպանում միշտ պահեք ձեր բջջայինը՝ ընկնելիս կամ օգնություն պահանջող այլ իրավիճակներում արագ ահազանգելու համար։
  • Պահեք ձեր սենյակները բավարար լուսավորված վիճակում և վերացրեք ձեր շարժմանը պատահաբար խոչընդոտող բոլոր հնարավոր առարկաները կամ իրերը՝ էլ. հոսանքի կամ այլ լարեր, հատակին առկա ոչ անհրաժեշտ իրեր և այլն։ Համոզվեք, որ հատակի գորգերը կամ կարպետները ծալքեր չունեն։ Բաղնիքի հատակին փռեք ռետինե չսահող գորգիկ։
  • Եթե ունեք շարժողական սահմանափակումներ, բաղնիքում և մյուս սենյակներում տեղադրեք տեղաշարժման միջոցներ օժանդակող այլ պարագաներ՝ հենակներ, քայլակներ, ձեռնափայտեր, բռնակներ և այլն։
  • Որոշ գործեր թողեք ձեր ընտանիքի անդամներին կամ գործընկերներին, օրինակ՝ աթոռի վրա բարձրանալը, լամպ փոխելը, կենցաղային որոշ գործառույթներ և այլն։

Դեղեր

  • Ընդունեք դեղերն այնպես, ինչպես ձեզ նշանակել է բժիշկը՝ խստորեն հետևելով դեղաչափերին և ընդունման կարգին։
  • Հիշեք, որ այդ դեղերի մեծ մասը պետք է ընդունել երկարատև՝ ամիսների և տարիների ընթացքում։

Հոդվածը վերանայվել է՝ 12-10-2021