Skip to main content

Կանխարգելում - Միջին օտիտ

Հետևյալ հմտությունները կարող են կրճատել միջին ականջի վարակների կամ միջին օտիտի զարգացման ռիսկը:

  • Կանխարգելեք ընդհանուր մրսածությունը և այլ հիվանդությունները. սովորեցրեք երեխային, որ հաճախակի և լիարժեք լվանա ձեռքերը և խուսափի սննդի կամ խմելու պարագաներն այլ երեխաների կամ մարդկանց հետ համատեղ օգտագործելուց: Սովորեցրեք նաև ձեր երեխային, որ հազա կամ փռշտա ծալած արմունկին: Աշխատեք հիվանդ երեխային թողնել տանը:
  • Խուսափեք երկրորդային ծխից. համոզվեք, որ տանը որևէ ծխող չկա: Տնից դուրս աշխատեք լինել միայն ծխից ազատ միջավայրերում:
  • Կրծքով կերակրեք ձեր նորածնին. հնարավորության դեպքում առնվազն 6 ամիս կրծքով կերակրեք նորածնին: Կրծքի կաթը պարունակում է հակամարմիններ, որոնք կարող են օգնել ականջի վարակներից երեխայի պաշտպանությանը:
  • Եթե երեխան սնվում է շշիկից, պահեք նրան ուղղահայաց դիրքում. խուսափեք երեխայն ծծակով կերակրելուց նրա պառկած դիրքում: Մի պահեք շշիկը երեխայի օրորոցում:
  • Զրուցեք ձեր բժշկի հետ պատվաստումների թեմայով. հարցրեք բժշկին, թե ինչպիսի պատվաստումներ են նախատեսված երեխայի համար: Սեզոնային գրիպի, պնևմոկոկային և այլ բակտերիալ պատվաստանյութերը կարող են օգնել ականջի վարակների կանխարգելմանը:
  • Անհրաժեշտության դեպքում դիմեք ձեր բժշկին առանց հետաձգելու․ եթե երեխայի մոտ կասկածում եք ականջի վարակ կամ որևէ այլ խնդիր, առանց ուշացնելու կապ հաստատեք նրա հետ:

Հոդվածը հրապարակվել է՝ 21-06-2021
Վերջին վերանայում՝ 07-04-2024