Պանկրեատիտը կարող է հանգեցնել ծանր բարդությունների:
- Կեղծ բուշտ (պևդոկիստա). սուր պանկրեատիտը կարող է ենթաստամոքսային գեղձում առաջացնել հեղուկով և արգասիքներով լցված կիստայաձև պարկեր: Մեծ պսևդոկիստաները կարող են պատռվել՝ պատճառելով ներքին արյունահոսություն և վարակ:
- Վարակ. սուր պանկրեատիտը ենթաստամոքսային գեղձը դարձնում է բակտերիաների և վարակի նկատմամբ խոցելի: Ենթաստամոքսային գեղձի վարակներն ունեն ծանր ընթացք և պահանջում են անհետաձգելի բուժօգնություն, օրինակ՝ վարակված հյուսվածքների վիրահատական հեռացում:
- Երիկամային անբավարարություն. սուր պանկրեատիտը կարող է առաջացնել երիկամային անբավարարություն և դիալիզի անհրաժեշտություն:
- Շնչառական խնդիրներ. սուր պանկրեատիտին ուղեկցող նյութափոխանակության խանգարումները կարող են ազդել թոքերի գործունեության վրա՝ առաջացնելով արյան թթվածնի մակարդակի վտանգավոր կրճատում:
- Դիաբետ. քրոնիկ պանկրեատիտի ժամանակ ենթաստամոքսային գեղձի ինսուլին արտադրող բջիջների վնասումը կարող է բերել շաքարային դիաբետի՝ հիվանդություն, որի ժամանակ խանգարված է օրգանիզմի կողմից արյան գլյուկոզի նյութափոխանակությունը և յուրացումը:
- Թերսնուցում. ինչպես սուր, այնպես էլ քրոնիկ պանկրեատիտը բերում են մարսողական ֆերմենտների արտադրության կրճատման, որի արդյունքում խանգարվում է նորմալ մարսողությունը՝ առաջացնելով թերսնուցում, փորլուծություն և քաշի անկում (նույնիսկ եթե սննդի օգտագործման չափը և որակը չի փոփոխվել):
- Ենթաստամոքսային գեղձի քաղցկեղ. քրոնիկ պանկրեատիտով պայմանավորված ենթաստամոքսային գեղձի երկարատև բորբոքումը համարվում է քաղցկեղի զարգացման ռիսկի գործոն:
Հոդվածը հրապարակվել է՝ 05-06-2021
Վերջին վերանայում՝ 23-04-2024