Skip to main content

Ինքնօգնություն - Պանկրեատիտ

Հիվանդանոցից դուրս գրվելուց հետո կարող եք ձեռնարկել քայլեր՝ ուղղված ենթաստամոքսային գեղձի վերականգնմանն օգնելուն:

  • Բացառեք ալկոհոլի օգտագործումը. եթե չեք կարող դադարեցնել ալկոհոլի օգտագործումը, դիմեք բժշկին, որ ընդգրկվեք ալկոհոլային կախվածության բուժման ծրագրում:
  • Դադարեցրեք ծխախոտի օգտագործումը. եթե ծխող եք, օր առաջ հրաժարվեք ծխախոտից: Եթե ծխող չեք, երբեք մի՛ սկսեք կամ մի՛ փորձեք ծխել: Եթե ինքնուրույն չի հաջողվում, դիմեք բժշկին: Դեղամիջոցները և խորհրդատվությունը կարող են օգնել, որ վերջնականապես ձերբազատվեք ծխախոտից:
  • Ընտրեք ճարպից աղքատ սննդակարգ. ընտրեք այնպիսի սննդակարգ, որը սահմանափակում է ճարպը և շեշտը դնում է մրգերի ու բանջարեղենների, ամբողջահատիկ հացամթերքների և անճարպ սպիտակուցի վրա:
  • Խմեք շատ հեղուկներ. պանկրեատիտը կարող է առաջացնել ջրազրկում, ուստի անհրաժեշտ է ավելացնել օրվա ընթացքում ընդունած հեղուկների քանակը: Մշտապես ձեզ մոտ ունեցեք ջրի շիշ կամ բաժակ:

Այլընտրանքային բժշկություն

Այլընտրանքային թերապիաները չեն կարող բուժել պանկրեատիտը, սակայն որոշ մեթոդներ կարող են օգնել, որ ավելի հեշտությամբ հաղթահարեք պանկրեատիտի հետ կապված ցավերը: Նման մեթոդներից են՝

  • մեդիտացիա
  • թուլացնող վարժանքներ
  • յոգա
  • ասեղնաբուժություն:

Հոդվածը հրապարակվել է՝ 05-06-2021
Վերջին վերանայում՝ 05-04-2024