Պանկրեատիտ. ախտորոշում

Պանկրեատիտ. ախտորոշում
Անգլերեն անվանումը՝ Pancreatitis Diagnosis

Սուր պանկրեատիտի ախտորոշումը կարող է դժվար լինել, քանի որ գանգատները և ախտանիշները կարող են դիտարկվել նաև այլ հիվանդությունների ժամանակ։

Բժիշկը կզրուցի ձեզ հետ, կզննի ձեզ՝ կշոշափի ձեր որովայնը, որից հետո կարող է նշանակել որոշ հետազոտություններ՝ արյան անալիզ, որովայնի խոռոչի օրգանների սոնոգրաֆիա, ռենտգեն կամ համակարգչային տոմոգրաֆիկ (CT) հետազոտություններ: Այս հետազոտությունները կօգնեն, որ պանկրեատիտի ախտորոշումը հաստատվի կամ հայտնաբերվեն ձեր գանգատներն առաջացնող այլ պատճառներ։

Որոշ դեպքերում կարող է ծագել էնդոսկոպիկ ռետրոգրադ խոլանգիոպանկրեատոգրաֆիայի անհրաժեշտությունը (ERCP), երբ ձեր բերանի միջով բարակ, ճկուն և երկար խողովակը ներհրվում է մինչև 12-մատնյա աղիք։ Այս հետազոտությունը թույլ է տալիս ախտորոշել պանկրեատիտը և, եթե վերջինիս պատճառը ենթաստամոքսային գեղձի ծորանի լեղային քարերով խցանումն է, ապա նաև՝ հեռացնել այդ քարերը։

Ավելի դժվար է քրոնիկ պանկրեատիտի ախտորոշումը, քանի որ ախտանիշներն ավելի աղավաղված են և նմանվում են այլ հիվանդություններին։ Որոշ մարդկանց մոտ քրոնիկ պանկրեատիտը կարող է ուղեկցվել վերորովայնային թույլ ցավերով կամ նույնիսկ ընթանալ անցավ։

Քրոնիկ պանկրեատիտի ժամանակ բժիշկը կարող է նշանակել նույն հետազոտությունները, ինչ որ սուր պանկրեատիտի ժամանակ և ավելացնել հետևյալները՝

  • կղանքի հետազոտություն՝ հայտնաբերելու ճարպերի բարձրացած մակարդակները
  • ենթաստամոքային գեղձի քաղցկեղի թեստեր (արյան մեջ ուռուցքային որոշ մարկերների հետազոտություններ, օրինակ՝ СА 19-9

Հոդվածը վերանայվել է՝ 12-05-2019