Խուճապի (պանիկ) նոպան առանց իրական վտանգի կամ ակնհայտ պատճառի ուժեղ վախի հանկարծակի դրվագ է, որն առաջացնում է սուր ֆիզիկական ռեակցիաներ:
Խուճապի նոպաները կարող են լինել խիստ վախեցնող կամ սարսափեցնող: Երբ դրանք սկսվում են, դուք կարող եք կարծել, որ կորցնում եք ինքնատիրապետումը, տանում եք սրտամկանի ինֆարկտ կամ նույնիսկ մահանում եք:
Բազմաթիվ մարդիկ իրենց կյանքի ընթացքում ունենում են ընդամենը մեկ կամ երկու խուճապի նոպա, և խնդիրն ամենայն հավանականությամբ անհայտանում է, երբ ավարտվում է սթրեսային իրավիճակը: Սակայն, եթե դուք ունեցել եք կրկնվող, անսպասելի խուճապի նոպաներ և երկար ժամանակ եք անցկացրել հերթական նոպայից մշտական վախի մեջ, կարող եք ունենալ մի վիճակ, որը կոչվում է խուճապային խանգարում:
Չնայած խուճապի նոպաներն ինքնին կյանքին վտանգ չեն ներկայացնում, դրանք կարող են վախեցնել և էապես ազդել ձեր կյանքի որակի վրա: Սակայն, բուժումը կարող է շատ արդյունավետ լինել:
Հոդվածը հրապարակվել է՝ 24-06-2021
Վերջին վերանայում՝ 23-04-2024