Ախտանիշներ - Ցատկորդի ծունկ

Ցավը ծնկոսկրային կամ պատելար տենդոնիտի առաջին ախտանիշն է, որը սովորաբար տեղակայված է ծնկոսկրի և այն շրջանի միջև, որտեղ ջիլը կպչում է սրունքի ոսկորին (ոլոք կամ մեծ ոլոք):

Սկզբում դուք կարող եք ձեր ծնկում ցավ զգալ միայն այն ժամանակ, երբ սկսում եք կատարել ծնկի հետ կապված որևէ ֆիզիկական գործողություն կամ անմիջապես ուժեղ մարզվելուց հետո: Ժամանակի ընթացքում ցավն ուժեղանում է և սկսում է խանգարել ձեր սպորտով զբաղվելուն: Ի վերջո, ցավը խանգարում է ամենօրյա շարժումներին, ինչպիսիք են աստիճաններով բարձրանալը կամ աթոռից վեր կենալը:

Ե՞րբ դիմել բժշկին

Ծնկացավի դեպքում նախ փորձեք ինքնօգնության և տնային միջոցներ, ինչպիսիք են ցավող շրջանին սառույց դնելը և ձեր ախտանիշները սաստկացնող գործողություններից ժամանակավորապես խուսափելը:

Տեղեկացերք ձեր բժշկին, եթե ձեր ցավը՝

• շարունակվում կամ վատթարանում է
• խանգարում է ձեր առօրյա սովորական գործերին
• ուղեկցվում է հոդի շրջանի այտուցվածությամբ կամ մաշկի կարմրությամբ: