Փոքր կոնքի օրգանների բորբոքային հիվանդության (ՓԿՕԲՀ) ռիսկը կարելի է կրճատել մի շարք պարզ մեթոդներով:
- Զբաղվեք անվտանգ սեռական կյանքով. օգտագործեք պահպանակներ ամեն անգամ սեռական հարաբերություն ունենալիս, սահմանափակեք ձեր սեռական զուգընկերների թիվը և հարցրեք հնարավոր զուգընկերոջ սեռական պատմության մասին:
- Զրուցեք ձեր բժշկի հետ հակաբեղմնավորման մասին. հակաբեղմնավորման շատ ձևեր ձեզ չեն պաշտպանում ՓԿՕԲՀ-ի զարգացումից: Պատնեշային մեթոդների օգտագործումը, ինչպիսին է պահպանակը, օգնում է նվազեցնել ձեր ռիսկը: Նույնիսկ եթե հակաբեղմնավորիչ հաբեր եք ընդունում, ամեն անգամ նոր զուգընկերոջ հետ սեռական հարաբերություն ունենալիս օգտագործեք պահպանակ՝ սեռական ճանապարհով փոխանցվող վարակներից պաշտպանվելու համար:
- Հետազոտվեք. եթե սեռավարակով հիվանդանալու վտանգի տակ եք, թեստավորման համար պայմանավորվեք ձեր բժշկի հետ: Անհրաժեշտության դեպքում ձեր բժշկի հետ կանոնավոր բուժզննման ժամանակացույց կազմեք: Սեռավարակների վաղ բուժումը ձեզ հնարավորություն է տալիս խուսափել ՓԿՕԲՀ-ից:
- Խնդրեք, որ ձեր զուգընկերը նույնպես հետազոտվի. եթե ունեք ՓԿՕԲՀ կամ որևէ սեռավարակ, խորհուրդ տվեք ձեր սեռական զուգընկերոջը, որ նա նույնպես հետազոտվի և բուժվի: Սա կարող է կանխել սեռավարակների տարածումը և ՓԿՕԲՀ-ի հնարավոր կրկնությունը:
- Հրաժարվեք հեշտոցի ներլվացումներից. հեշտոցի խոռոչի ներլվացումները, հատկապես ուժեղ ազդող օճառներով, կարող է գրգռել լորձաթաղանթը, ինչպես նաև խախտել հեշտոցի բակտերիաների հավասարակշռությունը:
Հոդվածը հրապարակվել է՝ 29-04-2021
Վերջին վերանայում՝ 23-04-2024