Չբուժվելու դեպքում պեպտիկ խոցերը կարող են հանգեցնել տարբեր, այդ թվում՝ կյանքին սպառնացող բարդությունների:
- Ներքին արյունահոսություն. արյունահոսությունը կարող է ի հայտ գալ որպես դանդաղ արյան կորուստ, որը հանգեցնում է սակավարյունության (անեմիա) կամ որպես սուր արյունահոսություն, որը կարող է պահանջել հիվանդանոցային պայմաններում բուժման կամ արյան փոխներարկման կազմակերպում: Սուր արյան կորուստը կարող է առաջացնել սև կամ արյունային փսխում կամ ավելի ուշ՝ սև կամ արյունային կղանք:
- Անցք՝ ձեր ստամոքսի կամ տասներկումատնյա աղու պատին (թափածակում, պերֆորացիա). պեպտիկ խոցերը կարող են քայքայելով ծակել ստամքսի կամ տասներկումատնյա աղու պատը՝ ձեզ դնելով որովայնի խոռոչի ծանր վարակի ռիսկի տակ (պերիտոնիտ):
- Նեղացում (օբստրուկցիա). պեպտիկ խոցը կարող է բորբոքային այտուցի կամ սպիացման պատճառով արգելափակել սննդի անցումը մարսողական խողովակով՝ առաջացնելով ստամոքսի արագ լցվածությության զգացում, փսխումներ կամ քաշի կորուստ:
- Ստամոքսի քաղցկեղ. հետազոտությունները ցույց են տվել, որ H. pylori-ով վարակված մարդկանց մոտ ստամոքսի քաղցկեղի ռիսկը մեծանում է:
Հոդվածը հրապարակվել է՝ 05-06-2021
Վերջին վերանայում՝ 30-05-2024