Պեպտիկ խոցերն ընթանում են ստամքսի խանգարման բնորոշ ախտանիշներով:
Պապտիկ խոցերի հնարավոր գանգատներից և ախտանիշներից են՝
- ստամոքսի շրջանում այրող ցավ
- հագեցվածության կամ փքվածության զգացում կամ գղտոց
- յուղոտ (ճարպոտ) սննդի անտանելիություն
- այրոցք (изжога)
- սրտխառնոց:
Պեպտիկ խոցերի ամենատարածված ախտանիշը ստամոքսի այրվող ցավն է (մրմռոց): Ստամոքսաթթուն, ինչպես նաև դատարկ ստամոքսը ավելի են սաստկացնում ցավը: Ցավը հաճախ կարելի է թեթևացնել՝ ուտելով ստամոքսի թթվայնությունը չեզոքացնող մթերքներ կամ ընդունելով թթվայնությունը չեզոքացնող դեղամիջոց, սակայն ցավն ավելի ուշ կարող է վերսկսվել: Ցավը նաև կարող է ուժեղանալ ճաշերի միջև և գիշերները:
Այունամենայնիվ, պեպտիկ խոց ունեցող բազմաթիվ մարդիկ նույնիսկ գանգատներ չունեն:
Ավելի հազվադեպ, խոցերը կարող են ուղեկցվել ծանր գանգատներով կամ ախտանիշներով, ինչպիսիք են՝
- փսխում կամ արյունային փսխում, որը կարող է ստանալ կարմիր կամ սև տեսք
- կղանքում մուգ արյուն կամ սև ու ձութանման կղանք
- դժվարացած շնչառություն կամ հևոց
- ուշագնացության զգացում (նախաուշագնացություն)
- սրտխառնոց կամ փսխում
- անբացատրելի քաշի կորուստ
- ախորժակի փոփոխություններ:
Ե՞րբ դիմել բժշկին
Այցելեք ձեր ընտանեկան բժշկին, եթե ունեք վերոնշյալ սուր գանգատները կամ ախտանիշները: Նաև դիմեք ձեր բժշկին, եթե առանց դեղատոմսի անտացիդները և թթվի արգելակիչները թեթևացնում են ձեր ցավը, սակայն որոշ ժամանակ հետո այն վերսկսվում է:
Հոդվածը հրապարակվել է՝ 05-06-2021
Վերջին վերանայում՝ 30-05-2024