Կանխարգելում - Պեպտիկ խոց

Դուք կարող եք նվազեցնել պեպտիկ խոցի ձեր ռիսկը, եթե հետևեք նույն միջոցառումներին, որոնք առաջարկվում են որպես խոցերի բուժման տնային միջոցներ:

Օգտակար կարող են լինել նաև այս ուղղությունները:

• Պաշտպանեք ձեզ վարակներից. դեռևս պարզ չէ, թե ինչպես է տարածվում հելիկոբակտեր պիլորի բակտերիան (H. pylori), սակայն կան որոշ ապացույցներ, որ այն կարող է փոխանցվել մարդուց մարդ կամ սննդի և ջրի միջոցով: Դուք կարող եք քայլեր ձեռնարկել ձեզ պաշտպանելու վարակներից, ինչպիսին է H. pylori-ն՝ հաճախակի լվանալով ձեռքերն օճառով և ուտելով միայն լիարժեք եփված մթերքներ:
• Զգույշ եղեք ցավազրկողների հետ. եթե կանոնավոր օգտագործում եք ցավազրկողներ, որոնք մեծացնում են պեպտիկ խոցի ձեր ռիսկը, միջոցներ ձեռնարկեք՝ նվազեցնելու ստամոքսի հետ կապված խնդիրները: Օրինակ՝ մի՛ ընդունեք ձեր դեղերը դատարկ ստամոքսին: Զրուցեք ձեր բժշկի հետ՝ գտնելու հնարավոր նվազագույն դեղաչափը, որը դեռ ձեզ ցավազրկում է: Դեղեր ընդունելիս խուսափեք ալկոհոլ օգտագործելուց, քանի որ դրանց զուգակցումը կարող է մեծացնել ստամոքսի խանգարման ռիսկը: Եթե անհրաժեշտ է օգտագործել որևէ ոչ ստերոիդ հակաբորբոքային դեղամիջոց (ՈՍՀԲԴ), նաև կարող են անհրաժեշտ լինել լրացուցիչ դեղամիջոցներ, ինչպիսիք են անտացիդը, պրոտոնային պոմպի արգելակիչը, թթվի պաշարիչը կամ ցիտոպաշտպանիչ միջոցը: ՈՍՀԲԴ-ների ենթախմբերից մեկը, որը կոչվում է COX-2 արգելակիչներ (ինհիբիտորներ), ունի պեպտիկ խոց առաջացնելու ավելի փոքր հավանականություն, սակայն կարող է մեծացնել սրտամկանի ինֆարկտի ռիսկը: