Պերիտոնիտը, որը կապված է պերիտոնեալ (որովայնային) դիալիզի հետ, հաճախ առաջանում է կաթետերի շուրջ գտնվող մանրէներով:
Եթե դուք ստանում եք պերիտոնեալ դիալիզ, կատարեք հետևյալ քայլերը՝ պերիտոնիտը կանխելու համար:
- Մինչև կաթետերին դիպչելը լվացեք ձեռքերը, այդ թվում՝ խոզանակեք եղունգների եզրերը և միջմատային տարածքները:
- Ամեն օր կաթետերի հարակից մաշկը մաքրեք հականեխիչ նյութով:
- Դիալիզի պարագաները պահպանեք հիգիենիկ միջավայրում:
- Դիալիզի հեղուկները փոխելիս կրեք վիրաբուժական դիմակ:
- Հարցրեք բժշկին կանխարգելման լրացուցիչ մեթոդների մասին:
Եթե անցյալում ունեցել եք պերիտոնիտ կամ առկա է որովայնային հեղուկի կուտակում (օրինակ՝ լյարդի ցիռոզի պատճառով), բժիշկը կարող է նշանակել հակաբիոտիկներ: Եթե օգտագործում եք պրոտոնային պոմպի արգելակիչներ, բժիշկը կարող է խնդրել, որ դադարեցնեք այդ դեղամիջոցների ընդունումը:
Հոդվածը հրապարակվել է՝ 03-06-2021
Վերջին վերանայում՝ 23-04-2024