Գրադարան
Պերիտոնիտ. բուժում
1 րոպե
Ինքնաբուխ բակտերիալ պերիտոնիտը կարող է վտանգավոր լինել կյանքի համար:
Դուք պետք է մնաք հիվանդանոցում: Բուժումը ներառում է հակաբիոտիկներ: Այն նաև ներառում է օժանդակող բուժում՝ ձեր ախտանիշները թեթևացնելու համար:
Դուք պետք է մնաք հիվանդանոցում նաև երկրորդական պերիտոնիտի դեպքում: Բուժումը կարող է ներառել հետևյալը:
- Հակաբիոտիկներ. hավանաբար, դուք հակաբիոտիկ դեղամիջոց կընդունեք երակային ասեղի միջոցով: Սա վերացնում է վարակը և կանխում այն տարածվելուց: Ձեզ անհրաժեշտ հակաբիոտիկի տեսակը և բուժման տևողությունը տարբեր կլինեն: Դա կախված է նրանից, թե որքան ծանր է ձեր վիճակը և ինչ տեսակի պերիտոնիտ ունեք: Երբ բակտերիայի տեսակը որոշվի, լայն սպեկտրի հակաբիոտիկը կարող է փոփարինվել ավելի նեղ կամ առանձնահատուկ ազդեցության մեկ այլ հակաբիոտիկով:
- Վիրահատություն. սա հաճախ անհրաժեշտ է վարակված հյուսվածքը հեռացնելու, վարակի պատճառը բուժելու և վարակի տարածումը կանխելու համար: Վիրահատությունը կարևոր է, եթե ձեր պերիտոնիտը պայմանավորված է կույր աղիքի որդանման ելունի, ստամոքսի կամ հաստ աղիքի պատռվածքով կամ թափածակմամբ (պերֆորացիա):
- Այլ բուժումներ. կախված ձեր ախտանիշներից, հիվանդանոցային բուժումը կարող է ներառել՝
- ցավազրկող դեղամիջոցներ
- երակային կաթետերով տրվող ինֆուզիոն (ներերակային) հեղուկներ
- թթվածին
- որոշ դեպքերում՝ արյան փոխներարկում:
Եթե ստանում եք պերիտոնեալ դիալիզ
Եթե անցնում եք պերիտոնեալ դիալիզ և զարգացել է պերիտոնիտ, բժիշկը կարող է խորհուրդ տալ, որ մի քանի օր դիալիզ ստանաք այլ ճանապարհով մինչև ձեր օրգանիզմը վերականգնվի վարակից: Եթե պերիտոնիտը ձգձգվում է կամ կրկնվում է, կարող է առաջանալ պերիտոնեալ դիալիզը դադարեցնելու և մեկ այլ տեսակի դիալիզի անցնելու անհրաժեշտություն:
Հոդվածը տեղադրվել է՝ 03-06-2021 վերանայվել է՝ 12-04-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
