Թոքաբորբի կանխարգելմանը կարող են օգնել որոշ պարզ միջոցներ:
- Պատվաստվեք. կան պատվաստանյութեր, որոնք կարող են կանխարգելել թոքաբորբի և գրիպի որոշ տեսակները: Զրուցեք ձեր բժշկի հետ այս ներարկումները ժամանակին ստանալու մասին: Պատվաստումների ուղեցույցները ժամանակի ընթացքում փոփոխվել են, ուստի անպայման բժշկից ճշտեք ձեր պատվաստման կարգավիճակի մասին, նույնիսկ եթե հիշում եք, որ նախկինում ստացել եք թոքաբորբի դեմ պատվաստանյութ:
- Համոզվեք, որ երեխաները պատվաստված են. բժիշկները խորհուրդ են տալիս օգտագործել թոքաբորբի դեմ տարբեր պատվաստանյութեր 2 տարեկանից փոքր երեխաների և 2-ից 5 տարեկան այն երեխաների համար, ովքեր ենթարկվում են պնևմոկոկային թոքաբորբի բարձր ռիսկին: Խմբային մանկապարտեզ կամ նախակրթարան հաճախող երեխաները նույնպես պետք է պատվաստվեն: Բժիշկները նաև խորհուրդ են տալիս գրիպի դեմ պատվաստում կատարել 6 ամսականից բարձր երեխաներին:
- Պահպանեք հիգիենայի կանոնները. շնչառական վարակներից պաշտպանվելու համար, որոնք երբեմն հանգեցնում են թոքաբորբի, հաճախակի լվացեք ձեռքերը կամ օգտագործեք ձեռքերն ախտահանող ալկոհոլի հիմքի վրա միջոցներ: Սահմանափակեք վարակային հիվանդությամբ մարդու հետ սերտ շփումները, ծայրահեղ դեպքում կրեք բժշկական դիմակ: Դուք նաև կարող եք դիմակ կրել մարդաշատ վայրերում: Ձեռքերը հեռու պահեք ձեր աչքերից, քթից և բերանից:
- Մի՛ ծխեք. ծխելը վնասում է շնչառական վարակների դեմ ձեր թոքերի բնական պաշտպանությունը: Նաև թույլ մի՛ տվեք, որ ձեզ մոտ ծխեն:
- Պահեք ձեր իմունային համակարգը ամուր. բավականաչափ քնեք, կանոնավոր վարժանքներ արեք և առողջ սնվեք։
Հոդվածը հրապարակվել է՝ 13-04-2018
Վերջին վերանայում՝ 01-06-2024