Նախադիաբետը սովորաբար որևէ գանգատ կամ ախտանիշ չի առաջացնում:
Նախադիաբետի հնարավոր ախտանիշներից մեկը մարմնի որոշ մասերի մգացած մաշկն է: Մաշկի մգացումներ կարող են առաջանալ պարանոցի վրա, թևատակերում և աճուկում:
Դասական գանգատներն ու ախտանիշները, որոնք հուշում են, որ դուք նախադիաբետից անցել եք 2-րդ տիպի դիաբետին, ներառում են հետևյալը՝
- ծարավի ավելացում
- հաճախակի միզարձակում
- ուժեղացած քաղցի զգացում
- հոգնածություն
- մշուշոտ տեսողություն
- ոտքերի կամ ձեռքերի թմրածություն կամ քոր
- հաճախակի վարակներ
- դանդաղ բուժվող վերքեր
- չնախատեսված քաշի կորուստ:
Ե՞րբ դիմել բժշկին
Այցելեք ձեր բժշկին, եթե մտահոգված եք դիաբետով կամ նկատում եք 2-րդ տիպի դիաբետի որևէ գանգատ կամ ախտանիշ: Հարցրեք ձեր բժշկին արյան շաքարի սքրինինգի մասին, եթե ունեք դիաբետի ռիսկի գործոններ:
Հոդվածը հրապարակվել է՝ 29-04-2021
Վերջին վերանայում՝ 07-04-2024