Բուժում - Պրեդիաբետ

Առողջ ապրելակերպի ընտրությունը կարող է օգնել ձեզ վերադարձնելու ձեր արյան շաքարի մակարդակը ​նորմալ մակարդակ կամ առնվազն​ հետ պահելու այն 2-րդ տիպի շաքարախտի մակարդակի բարձրացումից:

Նախադիաբետից 2-րդ տիպի դիաբետի առաջացումը կանխելու համար փորձեք հետևյալ միջոցները:

• Կերեք առողջ սնունդ. մրգերով, բանջարեղենով, ընկույզներով, ամբողջահատիկ ձավարեղենով և ձիթապտղի յուղով հարուստ սննդակարգը կապված է նախադիաբետի ավելի ցածր ռիսկի հետ: Ընտրեք ցածր յուղայնությամբ ու կալորիաներով և բջջանքով հարուստ մթերքներ: Կերեք մթերքների լայն տեսականի, որոնք կօգնեն հասնելու ձեր նպատակներին` շրջանցելով համային կամ սննդանյութային սահմանափակումները:
• Եղեք ավելի ակտիվ. ֆիզիկական ակտիվությունը օգնում է ձեր քաշի վերահսկմանը, սպառում է շաքարը էներգիայի համար և օգնում է ձեր օրգանիզմին, որ ավելի արդյունավետ օգտագործի ինսուլինը: Նպատակ դրեք հասնելու շաբաթական առնվազն 150 րոպե չափավոր կամ 75 րոպե ինտենսիվ աերոբիկ ակտիվության կամ չափավոր և ծանր վարժությունների համակցության:
• Ազատվեք ավելորդ քաշից. եթե ունեք ավելցուկային քաշ, կորցնելով ձեր մարմնի քաշի ընդամենը 5%-ից 7%-ը (մոտ 6,4 կիլոգրամ, եթե կշռում եք 91 կիլոգրամ), կարող եք զգալիորեն նվազեցնել 2-րդ տիպի դիաբետի ռիսկը: Ձեր քաշը առողջ միջակայքում պահելու համար կենտրոնացեք ձեր ուտելու և վարժանքների սովորույթների մշտական փոփոխությունների վրա:
• Դադարեցրեք ծխելը. ծխելը դադարեցնելը կարող է բարելավել ինսուլինի ազդեցությունը՝ բարելավելով ձեր արյան շաքարի մակարդակը:
• Անհրաժեշտության դեպքում դեղեր ընդունեք. եթե դուք դիաբետի բարձր ռիսկի տակ եք, ձեր բժիշկը կարող է խորհուրդ տալ Մետֆորմին (Գլյումեցա): Ձեր բժիշկը կարող է նաև նշանակել խոլեսթերինը և բարձր արյան ճնշումը վերահսկող դեղամիջոցներ:

Երեխաները և նախադիաբետի բուժումը

Նախադիաբետով երեխաները պետք է հետևեն 2-րդ տիպի դիաբետով չափահասների համար առաջարկվող ապրելակերպի փոփոխություններին, այդ թվում՝

• քաշի նվազեցում
• սննդակարգի փոփոխում՝ ավելի քիչ զտված (ռաֆինացված) ածխաջրատներ և ճարպեր և ավելի շատ բջջանք
• սնման չափաբաժնի նվազեցում
• դրսում ավելի հազվադեպ սննդի ընդունում
• ամեն օր առնվազն մեկ ֆիզիկական ակտիվություն։

Սովորաբար նախադիաբետ ունեցող երեխաներին դեղորայք խորհուրդ չի տրվում, քանի դեռ ապրելակերպի փոփոխությունները չեն բարելավում արյան շաքարի մակարդակը: Եթե դեղորայքի կարիք կա, ապա հաճախ նշանակվող դեղամիջոցը Մետֆորմինն է: