Պրեէկլամպսիայի ախտածագումը լիովին պարզաբանված չէ, ուստի կանխարգելումը կրում է համալիր բնույթ։
Դեղորայքային կանխարգելում
Պրեէկլամպսիայի կանխարգելման լավագույն կլինիկական ապացույցը ցածր դեղաչափերով Ասպիրինի օգտագործումն է: Ձեր ընտանեկան բժիշկը կարող է խորհուրդ տալ, որ, եթե ունեք պրեէկլամպսիայի բարձր ռիսկի մեկ գործոն կամ մեկից ավելի միջին ռիսկի գործոն, հղիության 12 շաբաթից հետո խմեք օրական 81 միլիգրամանոց Ասպիրինի մեկ դեղահատ:
Կարևոր է, որ դուք խոսեք ձեր բժշկի հետ մինչև որևէ դեղամիջոց, վիտամին կամ հավելում ընդունելը, որ համոզվեք, որ դա ձեզ համար անվտանգ է:
Ապրելակերպի և առողջության ընտրություններ
Նախքան հղիանալը, հատկապես, եթե նախկինում ունեցել եք պրեէկլամպսիա, լավ գաղափար է լինել հնարավորինս առողջ: Խոսեք ձեր բժշկի հետ բոլոր այն վիճակների և առողջական խնդիրների վերահսկման ու կառավարման մասին, որոնք կարող են մեծացնել պրեէկլամպսիայի ռիսկը:
Հոդվածը հրապարակվել է՝ 26-02-2023
Վերջին վերանայում՝ 23-04-2024