Պրոստատիտ. բարդություններ

Պրոստատիտ. բարդություններ

Պատշաճ բուժման բացակայության պայմաններում շագանակագեղձի բորբոքումը կարող է հանգեցնել որոշ բարդությունների:

Ընդ որում, պրոստատիտի բարդություններից որոշ տեսակներ կարող են առաջացնել վիրահատական բուժման անհրաժեշտություն:

Պրոստատիտի բարդություններից են՝

  • արյան բակտերիալ վարակ (բակտերեմիա)
  • մակամորձու բորբոքում (էպիդիդիմիտ) (մակամորձին ամորձու ետին եզրին գտնվող խողովակաձև գոյացություն է)
  • շագանակագեղձում թարախով լցված խոռոչի առաջացում (շագանակագեղձի թարախակույտ կամ աբսցես)
  • քրոնիկ պրոստատիտի հետևանքով սերմնահեղուկի բացադրության շեղումներ և անպտղություն։

Որևէ տվյալ չկա այն մասին, որ պրոստատիտը կարող է վերաճել շագանակագեղձի քաղցկեղի:

Պրոստատիտի բարդություններից խուսափելու լավագույն միջոցը ժամանակին և պատշաճ բուժումն է:

Հոդվածը վերանայվել է՝ 07-04-2021