Առողջական խնդիրներ
Պրոստատիտ. ախտանիշներ
1 րոպե
Շագանակագեղձի բորբոքման գանգատներն ու ախտանիշները կարող են տարբեր լինել՝ կախված հիվանդության տեսակից:
Դրանք կարող են ներառել՝
- միզելիս ցավ կամ այրոցի զգացում (դիզուրիա)
- միզելու դժվարություն, ինչպիսիք են կաթիլներով կամ թույլ շիթով միզումները
- հաճախակի միզում, հատկապես գիշերը (նոկտուրիա)
- միզելու հրատապ անհրաժեշտություն
- պղտոր մեզի
- արյուն մեզի մեջ (արյունամիզություն կամ հեմատուրիա)
- ցավ որովայնում, աճուկում կամ մեջքի ստորին հատվածում՝ գոտկաային շրջանում
- ցավ փոշտի և հետանցիք միջև ընկած հատվածում (շեք կամ պերինեում)
- ցավ կամ անհանգստություն առնանդամի կամ ամորձիների շրջանում
- ցավոտ սերմնաժայթքում
- ջերմություն, դող, մկանային ցավ և գրիպանման այլ ախտանիշներ (սուր բակտերիալ պրոստատիտի ժամանակ):
Ե՞րբ այցելել բժշկին
Մի քանի առողջական վիճակներ կարող են նպաստել պրոստատիտի հետ կապված գանգատներին և ախտանիշներին, ուստի կարևոր, որ հնարավորինս շուտ ճշգրիտ ախտորոշում և բուժում ստանաք:
Դիմեք անհետաձգելի բուժօգնության, եթե ունեք հետևյալներից որևէ մեկը՝
- միզելու անկարողություն (սուր միզակապություն)
- ցավոտ կամ դժվար միզարձակում, որն ուղեկցվում է բարձր ջերմությամբ
- արյուն ձեր մեզի մեջ
- ուժեղ անհանգստություն կամ ցավ կոնքի շրջանում կամ սեռական օրգաններում:
Հոդվածը տեղադրվել է՝ 14-02-2021 վերանայվել է՝ 08-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
