Ախտորոշում - Պրոստատիտ

Շագանակագեղձի բորբոքման հետ կապված ախտանիշները կարող են պայմանավորված լինել մի շարք հիվանդություններով ու վիճակներով:

Ձեզ կարող են ուղեգրել միզասեռական համակարգի խանգարումների մասնագետի մոտ (ուրոլոգ): Ձեր բժիշկը կանցկացնի արտաքին զննում, կգնահատի ձեր ախտանիշները և հիվանդության պատմությունը ու կնշանակի հետազոտություններ, որ պարզի պատճառը և բացառի որոշակի հիվանդությունները:

Բակտերիալ վարակի ախտորոշման թեստեր

Վարակի գնահատման ախտորոշիչ թեստերը հավանաբար կներառեն հետևյալը:

• Ուղիղաղիքային (ռեկտալ) մատնային քննություն. այս միջոցառումով ձեր բժիշկը օծած և ձեռնոցով մատը ձեր հետանցքով մտցնում է ուղիղ աղիքի մեջ, որ հայտնաբերի շագանակագեղձի բորբոքումը կամ պնդացած շրջանները:
• Մեզի թեստ. բակտերիալ վարակի առկայությունը և տեսակը ստուգելու համար ձեզ հարկավոր է հանձնել մեզի նմուշ՝ ստերիլ տարայով:
• Արյան թեստ. արյան նմուշները կարող են ստուգվել վարակի նշանների և շագանակագեղձի այլ խնդիրների համար:
• Շագանակագեղձի հյութի նմուշի թեստ. որոշ դեպքերում բժիշկը կարող է ուղիղաղիքային մատնային քննության ժամանակ նուրբ մերսել ձեր շագանակագեղձը (հետպրոստատիկ մերսում)՝ շագանակագեղձի հյութը ձեր միզածորան արտազատելու համար: Մերսումից հետո մեզի նմուշը դուրս է մղում շագանակագեղձի հյութը՝ բակտերիաների ստուգման համար:

Այլ հետազոտություններ

Եթե ​​նախնական թեստերը վարակի նշաններ չեն ցույց տալիս, դուք նաև կարող եք անցնել այլ հետևազոտություններ:

• Ուրոդինամիկ հետազոտություններ. մի շարք հետազոտություններ կարող են օգտագործվել՝ չափելու, թե որքան լավ են ձեր միզապարկը և միզուկը պահում և դուրս մղում մեզը: Այս հետազոտությունները կարող են օգնել, որ բժիշկը գնահատի ձեր միզելու հետ կապված խնդիրները և գտնի ձեր ախտանիշների աղբյուրը:
• Պատկերային հետազոտություններ. այս գործիքային հետազոտությունները կարող են նշանակվել շագանակագեղձի կառուցվածքային շեղումների, մեծացման կամ կոնքի շրջանի այլ խնդիրների հայտնաբերման համար, որոնք կարող են նպաստել ցավի առաջացմանը: