Բուժում - Պրոստատիտ

Շագանակագեղձի բորբոքման բուժումը կախված է ձեզ մոտ ախտորոշված պրոստատիտի կոնկրետ տեսակից և ձեր ախտանիշներից:

Վարակի բուժում

Եթե ​​ունեք սուր կամ քրոնիկ բակտերիալ պրոստատիտ, բժիշկը ձեզ կնշանակի հակաբիոտիկներ: Սուր հիվանդությունը կարող է պահանջել կարճ ժամանակահատվածում ներերակային (ն/ե) հակաբիոտիկներ, որը սովորաբար իրականացվում է հիվանդանոցում: Հակաբիոտիկների բուժման ողջ ընթացքը սովորաբար տևում է 4-ից 6 շաբաթ կամ որոշ դեպքերում՝ ավելի երկար: Ձեզ նշանակված բոլոր դեղամիջոցների ընդունումը կարևոր է վարակը վերացնելու և քրոնիկ բակտերիալ պրոստատիտի ռիսկը նվազեցնելու համար։

Միզարձակման ախտանիշների բուժում

Ալֆա-արգելակիչներ (ալֆա բլոկատորներ կամ ալֆա-բլոկերներ) կոչվող դեղամիջոցներն, օգնում են միզապարկի վզիկի և այն շրջանի մկանաթելերի թուլացմանը, որտեղ ձեր շագանակագեղձը միանում է ձեր միզապարկին: Այս բուժումը կարող է թեթևացնել միզարձակման ախտանիշները, ինչպիսիք են ցավոտ կամ դժվար միզելը: Թեև սա սովորաբար նշանակվում է քրոնիկ պրոստատիտով կամ քրոնիկ կոնքային ցավի համախտանիշով տղամարդկանց համար, կարող է նշանակվել նաև բակտերիալ վարակների միզարձակման ախտանիշները թեթևացնելու համար:

Ցավի բուժում

Ձեր բժիշկը կարող է նշանակել դեղատոմս պահանջող ցավազրկող դեղամիջոցներ կամ խորհուրդ տալ սովորական ցավազրկողներ, ինչպիսիք են Ացետամինոֆենը (Պարացետամլ, Թայլենոլ և այլն) կամ Իբուպրոֆենը (Ադվիլ, Մոտրին IB և այլն):

Հոգեբանական ախտանիշների վերահսկում

Ձեր բժիշկը կարող է խորհուրդ տալ հոգեթերապիա, որը կօգնի ձեզ կառավարել սթրեսը, դեպրեսիան կամ անհանգստությունը, որոնք կարող են կապված լինել քրոնիկ ցավի հետ: Հոգեթերապիան անցկացնում է հոգեթերապևտը (փսիխոթերապևտ):