Ռեակտիվ արթրիտները հոդերի բորբոքային հիվանդությունների խումբ է, որը զարգանում է սուր աղիքային կամ միզասեռական վարակներից հետո, սովորաբար՝ մինչև 1 ամսվա ընթացքում:
Այս հոդաբորբը նախկինում հայտնի էր որպես Ռեյտերի համախտանիշ, որին բնորոշ է ախտանիշների եռյակը՝ աչքերի (կոնյուկտիվիտ), միզուկի (ուրեթրիտ) և հոդերի (արթրիտ) բորբոքում: Մյուս, ավելի հազվադեպ օգտագործվող անվանումներից էր ուրոօկուլոսինովիալ (միզակնաձուսպային) համախտանիշը:
Ռեակտիվ արթրիտը հոդացավ և հոդերի այտուցվածություն է, որը զարգանում է օրգանիզմի այլ շրջանում, ավելի հաճախ՝ աղիներում, սեռական օրգաններում կամ միզուղիներում տեղակայված վարակային բորբոքային ախտահարումից հետո:
Ռեակտիվ արթրիտը սովորաբար թիրախավորում է ծնկները, սրունք-թաթային ու ոտնաթաթի հոդերը, սակայն բորբոքումը նաև կարող է ներառել աչքերը, մաշկը կամ միզուկը:
Ռեակտիվ արթրիտը տարածված հիվանդություն չէ: Բազմաթիվ մարդկանց մոտ գանգատները և մյուս ախտանիշները կարող են ի հայտ գալ և մեղմանալ՝ վերջնականորեն անհետանալով մինչև 12 ամսվա ընթացքում:
Հոդվածը հրապարակվել է՝ 19-02-2021
Վերջին վերանայում՝ 23-04-2024