Բուժում - Արագ քնի խանգարում

Արագ (REM) քնի վարքային խանգարման բուժումը կարող է ներառել ֆիզիկական նախազգուշական միջոցներ և դեղամիջոցներ:

Ֆիզիկական անվտանգության ապահովում

Բժիշկը կարող է ձեզ խորհուրդ տալ, որ փոփոխություններ կատարեք ձեր քնի միջավայրում՝ այն ձեր և ձեր անկողնու զուգընկերոջ համար ավելի անվտանգ դարձնելու համար: Օրինակներից են՝

• մահճակալի մոտ հատակին փափուկ ծածկոց փռելը
• ննջասենյակից վտանգավոր առարկաները հեռացնելը, ինչպիսիք են սուր առարկաները և զենքերը
• մահճակալի դրսային կողմի վրա պատնեշներ տեղադրելը
• կահույքը և այլ իրերը մահճակալից հեռու տեղափոխելը
• ննջասենյակի պատուհաններին ճաղավանդակ ամրացնելը
• հնարավորության դեպքում՝ առանձին մահճակալին քնելը, քանի դեռ ախտանիշներն արտահայտված են:

Դեղորայքային բուժում

Արագ (REM) քնի վարքային խանգարման դեղորայքային բուժման մի քանի օրինակ ներկայացված է ստորև:

• Մելատոնին. բժիշկը կարող է նշանակել Մելատոնին կոչվող սննդային հավելում, որը կարող է օգնել ձեր ախտանիշների մեղմացմանը կամ վերացմանը: Մելատոնինը կարող է նույնքան արդյունավետ լինել, որքան Կլոնազեպամը և սովորաբար լավ հանդուրժվում է՝ ունենալով միայն սակավաթիվ կողմնակի ազդեցություններ:
• Կլոնազեպամ (Կլոնոպին). այս դեղամիջոցը, որը հաճախ նշանակվում է անհանգստությունը կամ տագնապը բուժելու համար, նաև արագ (REM) քնի վարքային խանգարման բուժման դասական ընտրություն է: Կլոնազեպամը կարող է առաջացնել կողմնակի բարդություններ, ինչպիսիք են ցերեկային քնկոտությունը, հավասարակշռության նվազումը և քնի ապնոէի վատթարացումը:

Բժիշկները շարունակում են հետազոտել մի քանի այլ դեղամիջոցներ, որոնք կարող են բուժել արագ քնի վարքային խանգարումը: Խոսեք ձեր բժշկի հետ՝ ձեզ համար ամենահարմար բուժման տարբերակը որոշելու համար: