Բարդություններ - Ռևմատիկ տենդ

Ռևմատիզմով պատճառված բորբոքումը կարող է շարունակվել մի քանի շաբաթից մինչև մի քանի ամիս:

Որոշ մարդկանց մոտ բորբոքումն առաջացնում է երկարաժամկետ բարդություններ։

Ռևմատիզմի բարդություններից մեկը սրտի անդառնալի վնասումն է՝ սրտի ռևմատիկ հիվանդությունը: Սրտի ռևմատիկ հիվանդությունը սովորաբար զարգանում է սկզբնական հիվանդությունից տարիներ և տասնամյակներ անց:

Այնուամենայնիվ, ծանր ռևմատիզմը կարող է սկսել վնասել սրտի փականները, քանի դեռ ձեր երեխան դեռևս ունի վարակի ախտանիշներ: Վնասումն առավել հաճախ հանդիպում է սրտի երկու ձախ խոռոչների միջև ընկած փականի հետ (միտրալ փական), սակայն մյուս փականները նույնպես կարող են ախտահարվել:

Ռևմատիզմը կարող է առաջացնել սրտի հետևյալ տեսակի վնասները:

• Սրտի փականի նեղացում (փականի ստենոզ). սա նվազեցնում է արյան հոսքը:
• Սրտի փականի ոչ հերմետիկություն (փականի ռեգուրգիտացիա). արյունը հետ է հոսում փականի միջով:
• Սրտամկանի վնաս. ռևմատիզմի հետ կապված բորբոքումը կարող է թուլացնել սրտամկանը՝ ազդելով վերջինիս արտամղիչ ունակության վրա։

Սրտի փականների կամ սրտի այլ հյուսվածքների վնասումը կարող է հետագայում հանգեցնել անկանոն, քաոսային սրտազարկի (նախասրտերի ֆիբրիլյացիա) կամ սրտային անբավարարության:

Իմացե՛ք ավելին սրտի ռևմատիկ հիվանդության մասին: