Փայծաղի պատռվածքն ախտորոշելիս օգտագործվող հետազոտություններն ու միջոցառումները ներառում են հետևյալը։
- Ֆիզիկական քննություն (բուժզննում). ձեր բժիշկը կշոշափի և կսեղմի ձեր որովայնը՝ որոշելու ձեր փայծաղի չափերը և այն, թե արդյոք այն ցավոտ է:
- Արյան թեստեր. արյան թեստերը կգնահատեն այնպիսի գործոններ, ինչպիսիք են թրոմբոցիտների քանակը և ձեր արյան մակարդման ունակությունը: Արյան թեստը նաև կարող է անուղղակիորեն վկայել ներքին արյունահոսության՝ արյան կորստի մասին և գնահատել անեմիայիծանրության աստիճանը:
- Ձեր որովայնի խոռոչում արյան առկայության ստուգում. արտակարգ իրավիճակներում ձեր բժշկական անձնակազմը կարող է օգտագործել գերձայնային հետազոտություն կամ ասեղով հեղուկի նմուշ վերցնել որովայնի խոռոչից: Եթե նմուշը հայտնաբերում է ազատ արյուն ձեր որովայնի խոռոչում, դուք կարող եք ուղարկվել շտապ վիրահատության:
- Որովայնի խոռոչի պատկերային հետազոտություններ. եթե ախտորոշումը պարզ չէ, ձեր բժիշկը կարող է խորհուրդ տալ որովայնի խոռոչի օրգանների համակարգչային տոմոգրաֆիկ (ԿՏ) սքանավորում, հնարավոր է՝ կոնտրաստային գունանյութով կամ մեկ այլ պատկերային հետազոտություն՝ ձեր ախտանիշների այլ հնարավոր պատճառները փնտրելու համար:
Հոդվածը հրապարակվել է՝ 15-07-2023
Վերջին վերանայում՝ 23-04-2024