Բուժում - Սարկոմա

​Սարկոման սովորաբար բուժվում է քաղցկեղի հեռացման վիրահատությամբ:

Այլ բուժումները կարող են օգտագործվել վիրահատությունից առաջ կամ հետո: Թե որ բուժումն է ձեզ համար լավագույնը, կախված կլինի սարկոմայի տեսակից, տեղակայությունից, բջիջների աճման ագրեսիվությունից և նրանից, թե արդյոք քաղցկեղը տարածվել է ձեր մարմնի այլ շրջաններ:

Սարկոմայի բուժումը կարող է ներառել հետևյալը:

• Վիրաբուժություն. սարկոմայի վիրահատության նպատակը քաղցկեղի բոլոր բջիջների հեռացումն է: Երբեմն անհրաժեշտ է կտրել ձեռքը կամ ոտքը՝ ամբողջ քաղցկեղը հեռացնելու համար, սակայն վիրաբույժները հնարավորության դեպքում փորձում են պահպանել վերջույթների գործառույթը: Երբեմն ամբողջ քաղցկեղը չի կարող հեռացվել առանց վնասելու կարևոր կառույցներին, ինչպիսիք են նյարդերը կամ օրգանները: Այս իրավիճակներում վիրաբույժներն աշխատում են հնարավորինս շատ սարկոմա հեռացնելու համար:
• Ճառագայթային թերապիա. ճառագայթային թերապիան օգտագործում է հզոր էներգիայի ճառագայթներ, ինչպիսիք են ռենտգենյան ճառագայթները և պրոտոնները՝ քաղցկեղի բջիջները ոչնչացնելու համար: Ճառագայթումը կարող է տրվել մի մեքենայից, որը շարժվում է ձեր մարմնի շուրջ՝ ուղղելով էներգիայի ճառագայթները (արտաքին ճառագայթային ճառագայթում): Կամ ճառագայթման աղբյուրը կարող է ժամանակավորապես տեղավորվել ձեր մարմնում (բրախիթերապիա): Երբեմն ճառագայթումը կատարվում է քաղցկեղի հեռացման վիրահատության ժամանակ (ներվիրահատական ճառագայթում):
• Քիմիոթերապիա. Քիմիոթերապիան դեղորայքային բուժում է, որն օգտագործում է քիմիական նյութեր՝ քաղցկեղի բջիջները ոչնչացնելու համար: Սարկոմայի որոշ տեսակներ ավելի հավանական է, որ արձագանքեն քիմիաթերապիայի բուժմանը, քան մյուսները:
• Թիրախային բուժում. սա այնպիսի դեղաիջոցներով բուժումն է, որոնք «գրոհում» են քաղցկեղային բջիջների առանձնահատուկ թույլ կողմերը: Մինչև նման բուժում նշանակելը բժիշկը կարող է բիոպսիոն նյութի վրա փորձարկել, թե արդյոք ձեր քաղցկեղային բջիջները «խոցելի են» նման բուժման նկատմամբ:
• Թիրախային թերապիա. թիրախային թերապիան դեղորայքային բուժում է, որն օգտագործում է դեղամիջոցներ, որոնք թիրախավորում են քաղցկեղի բջիջների կոնկրետ թուլությունները: Ձեր բժիշկը կարող է ստուգել ձեր սարկոմայի բջիջները՝ համոզվելու, թե արդյոք նրանք կարող են արձագանքել թիրախային թերապիայի դեղամիջոցներին:
• Իմունոթերապիա. իմունոթերապիան դեղորայքային բուժում է, որն օգտագործում է ձեր իմունային համակարգը քաղցկեղի դեմ պայքարելու համար: Ձեր օրգանիզմի հիվանդությունների դեմ պայքարող իմունային համակարգը չի կարող հարձակվել ձեր քաղցկեղի վրա, քանի որ քաղցկեղի բջիջները արտադրում են սպիտակուցներ, որոնք «կուրացնում են» իմունային համակարգի բջիջները: Իմունոթերապիայի դեղերը գործում են՝ խանգարելով այդ գործընթացին։
• Աբլացիոն թերապիա. աբլացիոն թերապիայի բուժումը ոչնչացնում է քաղցկեղի բջիջները՝ օգտագործելով էլեկտրականություն՝ բջիջները տաքացնելու համար, շատ սառը հեղուկ՝ բջիջները սառեցնելու համար կամ բարձր հաճախականությամբ ուլտրաձայնային ալիքներ՝ բջիջները վնասելու համար: