Ախտորոշում - Քութեշ

Փորձառու մանկաբույժը կարող է քութեշն ախտորոշել ելնելով բնորոշ ախտանիշներից:

Զննման ընթացքում, բժիշկը կարող է՝

• դիտել երեխայի ըմպանի, նշագեղձերի և լեզվի վիճակը
• շոշափել նրա պարանոցը, որ հայտնաբերի մեծացած ավշային հանգույցներ
• գնահատել ցանի առանձնահատկությունները:

Ըմպանի քսուք

Եթե բժիշկը կասկածում է, որ երեխայի հիվանդության պատճառը ստրեպտոկոկային վարակն է, նաև կարող է ըմպանի ետին մակերևույթից և նշագեղձերից վերցնել լորձի նմուշ, որ ստուգի քսուքում բակտերիայի առկայությունը:

Ստրեպտոկոկային բակտերիայի թեստը կարևոր է, քանի որ որոշ հիվանդություններ կարող են առաջացնել քութեշին նմանվող ախտանիշներ, սակայն պահանջում են այլ բուժումներ: Եթե ստրեպտոկոկային վարակը ժխտվում է, բժիշկը սկսում է որոնալ այլ գործոններ, որոնք կարող են հանդիսանալ երեխայի վատառողջության պատճառը: