Իշիաս. ինքնօգնություն

Իշիաս. ինքնօգնություն
Անգլերեն անվումը՝ Sciatica Self-Help

Իշիասի ցավերը սովորաբար կարող են հեշտությամբ մեղմացվել «տնային» միջոցներով։

Եթե ձեզ մոտ իշիասը նոր է սկսվել, դուք կարող եք մեկ-երկու օր ձեզ հանգիստ տալ, որը կօգնի, որպեսզի ցավերը շուտ մեղմանան։ Այս ընթացքում օրվա մեծ մասն անցկացրեք պառկած և խուսափեք ծանրություն բարձրացնելուց, կռանալուց և ֆիզիկական գործ կատարելուց։ Սակայն ավելի երկար ժամանակով պասիվանալը կարող է ավելի սրացնել հիվանդության ախանիշները։

Ահա ևս մի քանի միջոցներ, որոնք դուք կարող եք ձեռնարկել տանը։

Սառը և տաք միջոցներ

Սկզբի օրերին ցավող շրջանին դրեք սառեցնող միջոցներ (օրինակ՝ սառցե պարկ կամ մաքուր և բարակ սրբիչով փաթաթած սառցե խորանարդիկներ)։ Թողեք սառցե պարկը 20 րոպե և կրկնեք սա օրը մի քանի անգամ։

Երկու-երեք օր անց, նույն այդ շրջանների համար անցեք տաքացնող միջոցների (օրինակ՝ ջեռակ, տաքացնող լամպ և այլն)։

Եթե ցավերը շարունակվում են, դուք կարող եք անցնել հաջորդաբար սառը տաքով փոխարինող միջոցառումների։

Ձգող վարժանքներ

Ձեր գոտկատեղի մկանները ձգող վարժությունները կարող են օգնել, որպեսզի դուք ձեզ ավելի լավ զգաք և մեղմացնեք նյարդարմատների ճնշվածությունը։ Աստիճանաբար հասեք 30 վրկ.-ոց տևողությամբ ձգումներին։

Խուսափեք գոտկատեղը ձգած վիճակում իրանը պտտելուց, թռիչքներ կատարելուց և մեջքի այլ «անհաջող» կտրուկ շարժումներից։

Դեղատոմս չպահանջող դեղեր

Սովորական ցավազրկող դեղերը կարող են օգտագործվել չափավոր և ուժեղ ցավերի ժամանակ (օրինակ՝ իբուպրոֆեն կամ նապրոքեն):

Երբ դիմել բժշկին

Դիմեք բժշկին, եթե մեկ շաբաթվա ընթացքում իշիասի ցավերը չեն մեղմանում, ուժեղ են կամ աստիճանաբար ուժեղանում են:

Շտապ դիմեք բժշկին, եթե՝

  • դուք ունեք հանկարծակի սկսված գոտկատեղի կամ ոտքի ուժեղ ցավեր
  • ցավերն ուղեկցվում են ոտքերի չվերացող թմրածության զգացումով կամ մկանային թուլությամբ
  • ցավերը սկսվել են վնասվածքից հետո (օրինակ՝ ճանապարհատրանսպորտային պատահար)
  • զարգացել են միզապարկի կամ աղիների գործունեության հսկման խանգարումներ: