Գրադարան

Իշիաս. ախտանիշներ

Իշիաս. ախտանիշներ

Time Read 1 րոպե

Իշիասի բնորոշ նշանը գոտկային շրջանի ցավն է, որ ճառագայթվում է հետույքով ու ոտքի ետին շրջանով դեպի ներքև:

Դուք կարող եք անհարմարավետություն զգալ նյարդի ուղղությամբ գրեթե ամենուրեք, սակայն ավելի հավանական է, գանգատները վերաբերվեն գոտկատեղից դեպի հետույք և ազդրերի ետին մակերևույթով դեպի սրունքի ետին շրջաններ:

Ցավը կարող է լինել ամենատարբեր բնույթի՝ սկսած թույլ ծակծկոցներից մինչև սուր, այրող զգացողություն կամ անտանելի ուժգության մկանացավ: Երբեմն կարող է ի հայտ գալ ցնցման կամ էլեկտրահարության զգացողություն: Ցավը կարող է սաստկանալ հազալիս, փռշտալիս, զուգարանից օգտվելիս կամ երկարատև նստած վիճակից հետո: Իշիասին բնորոշ է մարմնի մի կողմին վերաբերող գանգատները:

Որոշ մարդիկ նաև կարող են նշել ախտահարված ոտքում կամ ոտնաթաթում թմրածություն, ծակծկոցներ կամ մկանային թուլություն: Այլ դեպքերում կարող է մի ոտքի որևէ շրջանի ցավը զուգակցվել մյուս շրջանի թմրածության զգացողությամբ:

Ե՞րբ դիմել բժշկին

Թույլ իշիասը սովորաբար ժամանակի ընթացքում ինքնուրույն անհետանում է: Տեղեկացրեք բժշկին, եթե մեկ շաբաթվա ընթացքում սովորական տնային միջոցներով ցավերը չեն մեղմանում, ուժեղ են կամ աստիճանաբար ուժեղանում են:

Դիմեք անհետաձգելի բուժօգնության, եթե՝

  • ունեք հանկարծակի ցավ գոտկային կամ ոտքի շրջանում, որոնք ուղեկցվում են ոտքերի թմրածությամբ կամ մկանային թուլությամբ
  • ցավերը սկսվել են ակնհայտ վնասվածքից հետո, օրինակ՝ ճանապարհատրանսպորտային պատահար
  • ունեք միզապարկի կամ աղիների գործունեության վերահսկման խնդիրներ:

Հոդվածը տեղադրվել է՝ 10-05-2018 վերանայվել է՝ 30-03-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով