Գրադարան

Գիշերաշրջիկություն. բուժում

Գիշերաշրջիկություն. բուժում

Time Read 1 րոպե

Հազվադեպ առաջացող գիշերաշրջիկությունը կամ լուսնոտությունը (սոմնաբուլիզմ) բուժում սովորաբար չի պահանջում:

Երեխաների մոտ, ովքեր ունեն գիշերաշրջիկություն, այն սովորաբար անհետանում է դեռահաս տարիքում:

Եթե քնած վիճակում քայլելը բերում է վնասվածք ստանալու ռիսկի, խանգարում է ընտանիքի անդամներին կամ հանգեցնում է քնի խանգարման, կարող է անհրաժեշտ լինել բուժում: Բուժումը հիմնականում ուղղված է անվտանգության բարձրացմանը և պատճառների կամ նպաստող գործոնների (տրիգերների) վերացմանը:

Բուժումը կարող է ներառել հետևյալը:

  • Պատճառային խնդրի բուժում. եթե գիշերաշրջիկությունը կապված է քնի պակասի կամ պատճառ հանդիսացող քնի խանգարման կամ առողջական խնդրի հետ, ձեր բժիշկը նախ կառաջարկի բուժում այդ վիճակները վերացնելու կամ մեղմացնելու համար:
  • Դեղորայքի կարգավորում. եթե ենթադրվում է, որ գիշերաշրջիկության պատճառը ձեր օգտագործած դեղերից մեկնումեկը կամ մի քանիսն են, ձեր բժիշկը կնվազեցնի դեղաչափերը կամ դրանք կփոխարինի այլ դեղամիջոցներով:
  • Նախապես արթնացումներ. այս դեպքում արթնացնում են գիշերաշրջիկություն ունեցող մարդուն մոտ 15 րոպե առաջ, երբ սովորաբար սկսվում է դրվագը: Այնուհետև անձը մի քանի րոպե արթուն է մնում՝ մինչև նորից քնի:
  • Դեղորայք. հազվադեպ, ձեր բժիշկը կարող է նշանակել բենզոդիազեպիններ կամ որոշ հակադեպրեսանտներ:
  • Ինքնահիպնոզ. մարդիկ, ովքեր հիպնոսի նկատմամբ զգայուն են, կարող են փորձել հասնել հանգստի խոր վիճակի, որի միջոցով խթանվում է քնի ժամանակ անցանկալի գործողությունների փոփոխությունը:
  • Թերապիա կամ խորհրդատվություն. հոգեկան առողջության մասնագետը կարող է օգնել քնի բարելավման, սթրեսի նվազեցման տեխնիկայի, ինքնահիպնոսի և ռելաքսացիայի վերաբերյալ խորհուրդներով, առաջարկություններով և հմտություններ սովորեցնելով:

Հոդվածը տեղադրվել է՝ 02-05-2023 վերանայվել է՝ 02-05-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով