Քանի դեռ մասնագիտական բուժում եք ստանում սոմատոֆորմ խանգարման դեմ, դուք նաև կարող եք կատարել ապրելակերպի և ինքնօգնության որոշ քայլեր՝ ի նպաստ ձեր ինքնազգացողության բարելավմանը:
- Աշխատեք ձեր բժիշկների հետ. աշխատեք ձեր բժշկի և հոգեկան առողջության մասնագետի հետ՝ համատեղ որոշելու այցելությունների կանոնավոր ժամանակացույց՝ ձեր մտահոգությունները քննարկելու և վստահելի փոխհարաբերություններ ստեղծելու համար: Նաև միասին սահմանեք թեստերի, գնահատումների և մասնագետների ուղղորդումների ողջամիտ սահմանաչափեր: Խուսափեք բազմաթիվ բժիշկների դիմելուց, շտապ օգնություն կանչելուց կամ հիվանդանոցներ այցելելուց, որոնք պատճառով կարող եք բարդացնել ձեր բուժման համակարգումը և ձեզ կրկնակի հետազոտությունների ենթարկեք:
- Կիրառեք սթրեսի կառավարման և ռելաքսացիայի (թուլացման) միջոցներ. սթրեսի կառավարման և ռելաքսացիայի միջոցները սովորելը, ինչպիսին է մկանների հարաճուն թուլացումը, կարող է օգնել ձեր ախտանիշների բարելավմանը:
- Ֆիզիկապես ակտիվացեք. աստիճանական ակտիվացման ծրագիրը կարող է բարերար ազդեցություն ունենալ ձեր տրամադրության վրա, բարելավել ձեր ֆիզիկական ախտանիշները և օգնել բարելավելու ձեր ֆիզիկական գործունեությունը:
- Մասնակցեք միջոցառումներին. պահպանեք ձեր աշխատանքային, սոցիալական և ընտանեկան գործունեությանը: Մի սպասեք, մինչև ձեր ախտանիշներն անցնեն, նոր դառնաք սոցիալապես ակտիվ:
- Խուսափեք ալկոհոլից և ժամանցային (ակումբային) և այլ ապօրինի թմրամիջոցներից. հոգեներգործուն Նյութերի օգտագործումը կարող է ավելի բարդացնել ձեր բուժումը և վերականգնումը: Խոսեք ձեր բժշկի հետ, եթե նմանատիպ նյութերի օգտագործումը դադարեցնելը համարում եք դժվար լուծվող խնդիր:
Հոդվածը հրապարակվել է՝ 25-04-2023
Վերջին վերանայում՝ 06-04-2024