Գրադարան

Ողնային սկավառակի խնդիրներ

Ողնային սկավառակի խնդիրներ

Time Read 2 րոպե

Ողնային կամ միջողնային սկավառակների հետ կապված խնդիրները կարող են առաջացնել մեջքի ցավ, իշիաս կամ այլ գանգատներ:

Այս և հարակից հոդվածներում ձեզ կներկայացնենք բավականին հաճախ հանդիպող առողջական այս խնդիր պատճառները, ինչպես նաև կանխարգելման և բուժման մեթոդները:

Ի՞նչ են ողնային սկավառակները

Ձեր ողնաշարի 24 ողներից յուրաքանչյուր հարևան երկու ողների միջև առկա են սկավառակներ (դիսկ), որոնք ունեն ամորտիզացիայի նշանակություն և թույլ են տալիս, որպեսզի դուք հեշտությամբ և անարգել կռանաք, պտտեք ձեր իրանը և այլն: Այս սկավառակները լցված են գլեանման հեղուկով, որի շնորհիվ ձեր մեջքը դառնում է ճկուն:

Ողները և միջողնային սկավառակները միասին շրջապատում և պաշտպանում են ձեր ողնուղերը, որը հանդիսանում է ձեր մարմնի նյարդերը գլխուղեղին կապող յուրահատուկ հանգույց:

Ողնային սկավառակի խնդիրների տեսակները

Կան սկավառակի հետ կապված խնդիրների մի քանի տեսակներ, որոնցից ամենահաճախ հանդիպողը սկավառակի պատռումն է (հայտնի է նաև որպես պրոլափս), որի պատճառով գելանման զանգվածը դուրս է գալիս դիսկի սահմաններից:

Ողնային սկավառակի այլ տեսակի խնդիրներից են՝

  • սկավառակի դեգեներատիվ ախտահարում, որն իրականում ոչ թե հիվանդություն է, այլ տարիքի հետ զարգացող բնական փոփոխություն
  • վայր ընկնելիս կամ վթարի ենթարկվելիս առաջացած ողնային վնասվածքներ
  • վարակ
  • ողնաշարն ընդգրկող քաղցկեղներ:

Հոդվածը տեղադրվել է՝ 18-10-2019 վերանայվել է՝ 23-04-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով