Բուժում - Միջողնային դիսկ

Ողնային կամ միջողնային սկավառակների հետ կապված խնդիրների բուժման տարբերակը կախված է ինչպես պատճառից, այնպես էլ ախտանիշների ծանրության աստիճանից:

Ողնային սկավառակների խնդիրների բուժման տարբերակներից են՝

• առանց դեղատոմսի դուրս գրվող ցավազրկողներ (սովորական ցավազրկողներ)
• դեղատոմսով դուրս գրվող ուժեղ ցավազրկողներ, եթե այլ ցավամոքիչներով ցավերը չեն մեղմանում
• մկանային ռելաքսանտներ (մկանները թուլացնող դեղեր), եթե առկա է մկանային կծկանք (սպազմ)
• ֆիզիկական բուժման մեթոդներ, օրինակ՝ մերսում կամ ֆիզիոթերապիա
• տաք-սառը բուժումներ, օրինակ՝ ցավող շրջանին սառցեպարկ կամ ջեռակ դնելը
• ինքնօգնության մեթոդներ, այդ թվում՝ ֆիզիկական ակտիվության պահպանում (քայլք, ձգող վարժանքներ, երկար ժամանակ նույն դիրքում մնալուց խուսափում և այլն՝ բժշկի ցուցմամբ)
• վիրահատական բուժում՝ կախված ձեր տարիքից, ախտանիշների ծանրության աստիճանից և այլ բուժումների արդյունքներից:

Մեջքի շրջանի սուր ցավերով մարդկանց մեծ մասի գանգատները մեղմանում են մինչև մեկ ամսվա ընթացքում, մյուսների մոտ ցավը կարող է պահպանվել երկար ժամանակ: Նույն կերպ, գանգատները կարող են անհետևանք վերանալ կամ ժամանակ առ ժամանակ կրկնվել: