Բարդություններ - Սթրես

Սթրեսը կյանքի նորմալ մասն է, սակայն երկարաժամկետ՝ քրոնիկ սթրեսը կարող է հանգեցնել տարբեր հետևանքների։

Քրոնիկ սթրեսը կարող է խնդիրներ առաջացնել հետևյալ համակարգերում՝

• իմունային
• մարսողական
• սրտանոթային
• վերարտադրողական:

Երկարատև սթրեսը կարող է նույնիսկ մեծացնել որոշակի հիվանդությունների և առողջական վիճակների ռիսկը, ինչպիսիք են սրտային հիվանդությունը, բարձր արյան ճնշումը (հիպերտենզիա), շաքարային դիաբետը, դեպրեսիան և անհանգստությունը:

Ամերիկյան հոգեբանական ասոցիացիան առաջարկում է, որ քրոնիկ սթրեսը կարող է ազդել նաև ներզատական (էնդոկրին) և շնչառական համակարգերի վրա: Օրինակ, որոշ մարդիկ կարող են զգալ շնչարգելություն (հևոց) և արագ շնչառություն սթրեսային ժամանակաշրջաններում: Ասթմա, թոքերի քրոնիկ օբստրուկտիվ հիվանդություն և շնչառական այլ հիվանդություններ ունեցող մարդիկ կարող են զգալ ախտանիշների վատթարացում:

Քրոնիկ սթրես ունեցողների մոտ կարող է աճել կորտիզոլի արտադրությունը: Չնայած կորտիզոլը օգտակար է «կռվիր կամ փախչիր» մեխանիզմի համար, ի թիվս այլ վիճակների, կարող է հանգեցնել քրոնիկ հոգնածության և գիրության: