Կանխարգելում - Սթրես

Կան օրգանիզմը հոգեպես և ֆիզիկապես հյուծող սթրեսի կանխարգելման և հաղթահարման տարբեր ուղղություններ։

Սթրեսը նվազեցնող մոտեցումներից առավել արդյունավետները ներկայացվում են ստորև։

• Ֆիզիկական վարժանքներ. կանոնավոր վարժանքը կարող է մեղմացնել ներքին լարվածությունը, «թուլացնել» ուղեղը և կրճատել անհանգստության ու տագնապի զգացումները։
• Ժամանակի կառավարում. նախապես գործերի պլանավորումը կարող է նվազեցնել սթրեսի հասցնող խառնաշփոթ վիճակն ու քաոսը։
• Ընկերներին և ընտանիքին բավականաչափ ժամանակի տրամադրում. բավարար օգտակար են այն մարդկանց շրջապատում լինելը, ում դուք հարգում և սիրում եք և նրանց հետ ձեր ընթացիկ խնդիրների ու զգացումների մասին խոսելը և խորհուրդ հարցնելը։
• Հոգ տարեք ձեր առողջության մասին. պահպանեք առողջ սննդակարգը, համոզվեք, որ ձեր քունը բավարար է և խուսափեք ձեր հոգեկան գերլարված վիճակն ալկոհոլով և թմրամիջոցներով «բուժելուց»։
• Արեք գործեր, որոնցից հաճույք եք ստանում. սիրելի զբաղմունքը թուլացնում է ձեր միտքն ու մարմինը:
• Փոփոխեք ձեր մտքերը. որոշ դեպքերում սթրեսն ավելի շատ կապված է ձեր ընկալումների ու վերաբերմունքների, քան բուն իրավիճակի հետ։ Ձեր անիրատեսական ակնկալիքները կարող են դառնալ սթրեսի աղբյուր։ Փորձեք ձեր բացասական մտքերը փոխարինել դրականով։
• Ռելաքսացիա. մեդիտացիան, խոր շնչառությունը, յոգան և գիտակցվածության մեթոդները ոչ միայն թուլացնում են առկա լարվածությունը, այլ նաև կարող են օգնել սթրեսի կանխարգելմանը՝ սրացման վաղ փուլերում։
• Կոգնիտիվ-վարքաբանական թերապիա (ԿՎԹ). ԿՎԹ-ն հգեթերապևտիկ մեթոդ է, որի էությունը սթրեսից տուժած մարդու մտածողության բնույթը փոխելն է։