Նկարագիր - Սթրեսային կոտրվածք

Սթրեսային կոտրվածքները ոսկրային փոքր ճաքեր են:

Դրանք առաջանում են կրկնվող ուժի կամ ազդեցության հետևանքով, հաճախ՝ չափից ավելի օգտագործումից, օրինակ՝ բազմակի վեր ու վար ցատկելուց կամ երկար տարածություններ վազելուց: Սթրեսային կոտրվածքներ նաև կարող են զարգանալ ոսկորների սովորական օգտագործումից, եթե ոսկրային հյուսվածքը թուլացել է որևէ խնդրի պատճառով, ինչպիսին է օստեոպորոզը:

Սթրեսային կոտրվածքներն առավել հաճախ հանդիպում են ծանրություն կրող սրունքի և ոտնաթաթի ոսկորներում: Մարմնարզիկները և զինվորական նորակոչիկները, ովքեր ծանրություններ են տեղափոխում երկար հեռավորությունների վրա, ամենաբարձր ռիսկի տակ են, թեև յուրաքանչյուրը կարող է առնչվել սթրեսային կոտրվածքի խնդրի հետ: Օրինակ, եթե սկսում եք նոր վարժանքների ծրագիր, կարող եք սթրեսային կոտրվածքներ ստանալ, եթե հապճեպ անցնեք ավելի ծանր մարզումներին: