Ախտանիշներ - H1N1 (խոզի գրիպ)

H1N1 վիրուսով հարուցված​ գրիպի գանգատներն ու ախտանիշները նման են գրիպի այլ շտամներից հարուցված վարակի դրսևորումներին։

Դրանք ներառում են՝

• բարձր ջերմություն կամ տենդ (ոչ միշտ)
• դող և սարսուռ
• հազ
• կոկորդի ցավ
• հոսող կամ փակ քիթ
• ջրակալած, կարմրած աչքեր
• մարմնի կոտրտվածություն
• գլխացավ
• ընդհանուր թուլություն և հոգնածություն
• փորլուծություն
• սրտխառնոց և փսխում:

Գրիպի նշանները զարգանում են վիրուսով վարակվելուց հետո 1-3 օրվա ընթացքում:

Ե՞րբ դիմել բժշկին

Բժշկին այցելելու կարիք չկա, եթե ընդհանուր առմամբ առողջ եք և գրիպի ախտանիշները, ինչպիսիք են ջերմության բարձրացումը, հազը և մարմնի կոտրտվածությունը տանելի են: Այնուամենայնիվ, զանգեք ձեր բժշկին, եթե ունեք գրիպի նշաններ և հղի եք կամ ունեք որևէ քրոնիկ առողջական խնդիր, օրինակ՝ ասթմա, էմֆիզեմա, դիաբետ կամ որևէ սրտային հիվանդություն, որոնք կարող են բարձրացնել գրիպի բարդությունների ռիսկը։

Եթե ունեք անհետաձգելի բուժօգնություն պահանջող գանգատներ և ախտանիշներ, անհապաղ դիմեք բուժօգնության:

Չափահասների համար անհետաձգելի բուժօգնություն պահանջող վիճակներից են՝

• շնչարգելություն կամ հևոց
• կրծքավանդակային ցավ
• կայուն գլխապտույտ
• ցնցումներ
• առկա առողջական խնդիրների վատթարացում
• խիստ թուլություն կամ մկանացավ:

Երեխաների դեպքում անհետաձգելի բուժօգնություն պահանջող վիճակները ներառում են՝

• շնչարգելություն կամ հևոց
• կապտած շրթունքներ
• կրծքավանդակային ցավ
• ջրազրկում
• ուժեղ մկանացավեր
• ցնցումներ
• առկա առողջական խնդիրների վատթարացում։