Առողջական խնդիրներ
Լարվածության գլխացավ. ախտորոշում
1 րոպե
Եթե ունեք քրոնիկ կամ պարբերական գլխացավեր, ձեր բժիշկը կարող է անցկացնել ֆիզիկական և նյարդաբանական զննումներ, որից հետո կփորձի պարզել ձեր գլխացավի տեսակը և պատճառը՝ օգտագործելով հետևյալ մոտեցումները:
Ձեր ցավի նկարագրությունը
Բժիշկը կարող է ձեր խոսքից արժեքավոր տեղեկություններ ստանալ: Ձեր գլխացավը ներկայացնելուց նրան մանրամասն տեղեկացրեք հետևյալ տվյալների մասին:
- Ցավի բնութագրիչներ. ձեր ցավը պուլսացվո՞ղ է: Կամ, արդյո՞ք այն մշտական և բութ է, թե՞ սուր կամ ծակող է:
- Ցավի ուժգնություն. գլխացավի լրջության վերաբերյալ լավ ցուցանիշ է հանդիսանում այն, թե ի՞նչ չափով եք կարողանում ձեր գործերով զբաղվել , քանի դեռ այն կա: Ի վիճակի՞ եք աշխատել: Գիշերները գլխացավերն արթնացնո՞ւմ են ձեզ կամ խանգարո՞ւմ են, որ քնեք:
- Ցավի տեղակայում. ցավերը զգում եք ամբողջ գլխո՞ւմ, թե՞ միայն մի կողմում: Կամ՝ միայն ձեր ճակատո՞ւմ, թե՞ աչքերի հետևում:
Պատկերային հետազոտություններ
Եթե ունեք անսովոր կամ բարդ գլխացավեր, ձեր բժիշկը կարող է նշանակել հետազոտություններ, որ բացառի դրանց լուրջ պատճառները, օրինակ՝ գլխուղեղի ուռուցքը: Այս նպատակի համար առավել հաճախ օգտագործվում են հետևյալ երկու հետազոտությունները:
- Մագնիսա-ռեզոնանսային տոմոգրաֆիա (ՄՌՏ). ՄՌՏ-ն համակցում է մագնիսական դաշտերը, ռադիոալիքները և համակարգչային տեխնոլոգիաները՝ հստակ պատկերներ ստանալու համար:
- Համակարգչային տոմոգրաֆիա (ԿՏ). ԿՏ սքանավորումն օգտագործվում է համակարգչային–ուղղորդվող ռենտգենյան ճառագայթներների շարք՝ ձեր գլխուղեղի մասին համապարփակ պատկերացում ստանալու համար:
Հոդվածը տեղադրվել է՝ 20-03-2021 վերանայվել է՝ 13-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
