Գրադարան

Լարվածության գլխացավ. կանխարգելում

Լարվածության գլխացավ. կանխարգելում

Time Read 1 րոպե

Կանոնավոր վարժանքներից բացի, սթրեսի նվազեցմանը կարող են օգնել այնպիսի միջոցները, ինչպիսիք են բիոֆիդբեքի վարժանքը և թուլացնող (ռելաքսացիան) թերապիան:

  • Կենսաբանական հետադարձ կապի (բիոֆիդբեք) ուսուցանում. այս մեթոդը ձեզ սովորեցնում է հսկել ձեր օրգանիզմի որոշակի պատասխանները, որն օգնում է ցավի մեղմացմանը: Բիոֆիդբեքի սեսիայի ընթացքում ձեզ միացնում են սարք, որը վերահսկում և ձեզ հետադարձ պատասխան է տալիս օրգանիզմի տարբեր գործառույթների մասին, ինչպիսիք են մկանային լարվածությունը, սրտազարկի հաճախականությունը և արյան ճնշումը: Այնուհետև դուք սովորում եք, թե ինչպես թուլացնել մկանային լարվածությունը և ինքնուրույն դանդաղեցնել ձեր սրտի ռիթմը և շնչառությունը:
  • Կոգնիտիվ վարքաբանական թերապիա. խոսքային թերապիայի այս տեսակը կարող է օգնել սովորելուն, թե ինչպես ավելի լավ կառավարել սթրեսը, որի արդյունքում ձեր գլխացավերի հաճախականությունը և ուժգնությունը կարող է մեղմանալ:
  • Այլ ռելաքսացիայի մեթոդներ. այն ամենը, ինչն օգնում է ձեր թուլանալուն, այդ թվում՝ խոր շնչառություն, յոգա, մեդիտացիա և հարաճուն մկանային թուլացում, կարող է նաև ձեր գլխացավերին: Դուք կարող եք տանը սովորել ռելաքսացիայի մեթոդները գրքերի, տեսահոլովակների կամ բջջային հավելվածների օգնությամբ:

Դեղամիջոցների զուգակցումը սթրեսի կառավարման մեթոդների հետ կարող է դրսևորել լարվածության գլխացավերի մեղմացման ավելի մեծ արդյունավետություն, քան առանձին վերցրած դրանցից մեկնումեկը:

Ի լրումն, առողջ ապրելակերպին հետևելը կարող է օգնել գլխացավերի կանխարգելմանը՝

  • վերգտեք ձեր բավարար քունը, բայց մի քնեք չափից դուրս շատ
  • մի՛ ծխեք
  • կանոնավոր զբաղվեք վարժանքներով
  • սննդակարգը դարձրեք կանոնավոր և հավասարակշռված
  • խմեք շատ ջուր
  • սահմանափակեք ալկոհոլը, կոֆեինը և շաքարը:

Հոդվածը տեղադրվել է՝ 20-03-2021 վերանայվել է՝ 13-03-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով