Բուժում - Սթրեսային գլխացավ

Լարվածության գլխացավեր ունեցող որոշ մարդիկ չեն դիմում բուժօգնության և փորձում են ինքնուրույն բուժել ցավը:

Ցավոք, դեղատոմս չպահանջող ցավազրկողների կրկնակի օգտագործումն իրականում կարող է առաջացնել մեկ այլ տեսակի գլխացավ՝ դեղամիջոցների գերօգտագործման գլխացավեր:

«Սուր» դեղամիջոցներ

Գլխացավը նվազեցնելու համար մատչելի են մի շարք դեղամիջոցներ, ինչպես առանց դեղատոմսի, այնպես էլ դեղատոմս պահանջող:

• Սովորական ցավազրկողներ. հասարակ ցավազրկողները, որոնք հասանելի են առանց դեղատոմսի, հանդիսանում են գլխացավի նվազեցման առաջին գիծը: Դրանցից են՝ Ասպիրին, Իբուպոֆեն (Ադվիլ, Մոտրին IB, և այլն) և Նապրոքսեն (Ալեվե):
• Համակցված դեղեր. Ասպիրինը կամ ացետամինոֆենը (Tylenol, մյուսները) կամ երկուսն էլ հաճախ զուգակցվում են կոֆեինի կամ որևէ հանգստացնող դեղամիջոցի հետ որպես առանձին դեղ (պատրաստուկ): Համակցված դեղամիջոցները կարող են ավելի արդյունավետ լինել, քան մեկ բաղադրիչով ցավազրկողները: Բազմաթիվ համակցված դեղամիջոցներ հասանելի են առանց դեղատոմսի:
• Տրիպտաններ և թմրամիջոցներ. այն մարդկանց համար, ովքեր ունենում են և՛ միգրեն, և՛ դրվագային լարվածության գլխացավեր, Տրիպտանը կարող է արդյունավետ կերպով թեթևացնել երկու գլխացավերը: Օփիոիդները կամ թմրամիջոցները հազվադեպ են օգտագործվում իրենց կողմնակի ազդեցությունների և կախվածություն զարգացնելու հավանականության պատճառով:

Կանխարգելիչ (պրեվենտիվ) դեղեր

Ձեր բժիշկը կարող է դեղեր նշանակել՝ նվազեցնելու գլխացավի նոպաների հաճախականությունը և ծանրությունը, հատկապես, եթե ունեք հաճախակի կամ քրոնիկ գլխացավեր, որոնք չեն հանգստանում ցավազրկող դեղամիջոցներով և այլ թերապիաներով:

• Տրիցիկլիկ հակադեպրեսանտներ. տրիցիկլիկ հակադեպրեսանտները, այդ թվում՝ Ամիտրիպտիլինը և Պոտրիպտիլինը, լարվածության գլխացավերը կանխելու համար ամենահաճախ նշանակվող դեղամիջոցներն են: Այս դեղերի կողմնակի ազդեցություններից են փորկապությունը, քնկոտությունը և բերանի չորությունը:
• Այլ հակադեպրեսանտներ. առկա տվյալները վկայում են Վենլաֆաքսին (Էֆեքսոր XR) և Միրտազապին (Ռեմերոն) հակադեպրեսանտների նշանակման օգտին։
• Հակացնցումայիններ (հակակոնվուլսանտներ) և մկանային ռելաքսանտներ. լարվածության գլխացավերը կանխարգելող այլ դեղամիջոցներից են հակաջղաձգային միջոցները, ինչպիսին է Տոպիրամատը (Տոպամաքս, Քսիմիա և այլն), թեև կա լրացուցիչ հետազոտությունների անհրաժեշտություն։

Կանխարգելիչ դեղամիջոցները կարող են պահանջել մի քանի շաբաթ կամ ավելի, որ կուտակվեն օրգանիզմում՝ մինչև իրենց ազդեցությունը դրսևորելը: Այսպիսով, մի հիասթափվեք, եթե դեղի օգտագործումը սկսելուց անմիջապես հետո բարելավումներ չեք գրանցել:

Բժիշկը կվերահսկի ձեր բուժումը՝ տեսնելու, թե ինչպես են գործում կանխարգելիչ դեղամիջոցները: Միևնույն ժամանակ, ձեր գլխացավի համար ցավազրկողների չափից ավելի օգտագործումը կարող է խանգարել կանխարգելիչ դեղամիջոցների ազդեցությանը: Հարցրեք ձեր բժշկին, թե որքան հաճախ օգտագործեք ցավազրկողներ, քանի դեռ ընդունում եք կանխարգելիչ դեղամիջոցներ: