Լարվածության գլխացավ

Լարվածության գլխացավը շատ տարածված երևույթ է: Չկա մի մարդ, որ երբևէ լարվածության գլխացավ չի նշել:

Սա գլխացավերի ամենատարածված տեսակն է և կազմում է առաջնային (իսկական) գլխացավի բոլոր տեսակների շուրջ 90%-ը։ Լարվածության գլխացավի նախկին անվանումներն են՝ «սթրեսոգեն գլխացավ», «հասարակ գլխացավ» կամ «նևրոտիկ գլխարկ»։

Լարվածության գլխացավը հաճախ իր բնույթով բութ է և կայուն։ Այն ավելի հաճախ սկսվում է ձեր գլխի ետին շրջանից՝ ծոծրակից կամ կողքերից՝ քունքային շրջաններից և շրջանաձև տարածվելով՝ «կաղապարի» մեջ է վերցնում ամբողջ գլուխը՝ բերելով գլխամաշկի, պարանոցի և ուսագոտու մկանների լարվածություն։ Լարվածության գլխացավերը հաճախ ճնշող, սեղմող կամ ձգող բնույթի են և կարող են օրեր շարունակ անհանգստացնել ձեզ։ Գլխացավը միշտ երկկողմանի է, սակայն մի կողմը կարող է ցավել ավելի ուժեղ։

Ավելի հավանական է, որ լարվածության գլխացավերի պատճառը մկանային լարվածությունն է, որը կարող է առաջանալ տարբեր գործոնների ազդեցությամբ, այդ թվում՝ սթրես կամ ընդհանուր հոգնածություն, անհանգստություն և տագնապ, դեպրեսիա կամ հիասթափություն, ուսագոտու և պարանոցի մկանների գերաշխատանք կամ ստորին ծնոտի գերլարված վիճակներ, աշխատանքային ոչ նպաստավոր պայմաններ, օրինակ՝ սեղանին առաջ թեքված նստած վիճակում երկարատև ժամանակի անցկացում, երկար ժամանակ հարկադրված մարմնի դիրքի և կեցվածքի ընդունում (օրինակ՝ ավտոմեքենա վարելիս), երկարատև ընթերցանություն, խիստ լուսավոր և աղմկոտ միջավայր, ցավազրկողների չարաշահում, չափից դուրս շատ ծխախոտի կամ սուրճի օգտագործում և այլն:

Բժիշկը սովորաբար լարվածության գլխացավն ախտորոշում է՝ ելնելով ձեր նշած գանգատներից և զննելու արդյունքներից։ Լարվածության գլխացավի ախտորոշման որևէ հատուկ հետազոտություն գոյություն չունի, սակայն ձեր բժիշկը կարող է նշանակել որոշ հետազոտություններ, որ ժխտի գլխացավի այլ պատճառները։

Դուք կարող եք մեղմացնել ձեր լարվածության գլխացավերը խմելով ցավազրկող դեղեր, օրինակ՝ Պարացետամոլ կամ դեղատոմս չպահանջող այլ դեղեր, դիմելով տաքացնող միջոցների, օրինակ՝ ընդունել տաք ցնցուղ կամ գլխին ջեռակ դնել և մերսելով գլխի, պարանոցի և ուսագոտու շրջանները։

Կան որոշ միջոցառումներ, որոնք հաճախ կարող են կանխել լարվածության գլխացավերի առաջացումը: Եթե ձեզ մոտ լարվածության գլխացավերը հաճախակի են առաջանում, դա կարող է վկայել այն մասին, որ ձեր կյանքի որոշ օղակներ այնքան էլ ճիշտ չեն կազմակերպված։ Զրուցեք այդ մասին ձեր բժշկի կամ խորհրդատուի հետ։

Ե՞րբ դիմել բժշկին

Դիմեք ձեր բժշկին, եթե՝

Հոդվածը վերանայվել է՝ 30-03-2021